އެލައިޑުން ފަހުގެ އައިފޯން ހޯދުމުގެ ފުރުސަތު!

ހުނައިދާ ޔާސިރު

11 މާޗް 2026 - 12:30

0 comments

އެލައިޑް އިންޝުއަރެންސް ކުންފުނިން އެ ކުންފުނީގެ އިންސްޓަގްރާމް ފޮލޯވަރުންނަށް އަމާޒުކޮށް، އެންމެ ފަހުގެ އައިފޯން ހޯދުމުގެ ފުރުސަތު ހުޅުވާލައިފި އެވެ.

މި ގިވްއަވޭ ކެމްޕެއިން ކުރިއަށްދާނީ މިއަދުން ފެށިގެން އަންނަ އެޕްރީލް މަހުގެ 10 ވަނަ ދުވަހުގެ ނިޔަލަށެވެ.

މި ޕްރޮމޯޝަނުގައި ބައިވެރިވެވޭނީ އެ ކުންފުނީގެ ރަސްމީ އިންސްޓަގްރާމް ޕޭޖް، އެލައިޑް.އެމްވީ އަށް ފޮލޯކޮށް، އެ ކެމްޕެއިނާ ގުޅޭ ޕޯސްޓުގެ ކޮމެންޓް ސެކްޝަންގައި ހަ އެކުވެރިން ޓެގްކޮށް، އަމިއްލަ އެކައުންޓްގެ ސްޓޯރީގައި އެ ޕޯސްޓު ޝެއާ ކޮށްގެންނެވެ.

އެލައިޑުން ބުނި ގޮތުގައި މި ޕްރޮމޯޝަނުގައި ކޮންމެ ކޮމެންޓެއްގައި ވެސް ތަފާތު 6 ބޭފުޅުން ޓެގްކުރަން ޖެހޭނެ އެވެ. އަދި ގިނަ ކޮމެންޓްތައް ކުރެއްވުމުން ގުރުއަތުން ހޮވުމުގެ ފުރުސަތު ބޮޑުވެގެންދާނެ އެވެ.

މީގެ އިތުރުން، ޕްރައިވެޓް އެކައުންޓް ގެންގުޅުއްވާ ފަރާތްތަކުން ސްޓޯރީއަށް ޕޯސްޓް ކުރުމަށްފަހު، އޭގެ ސްކްރީންޝޮޓެއް އެލައިޑްގެ އިންސްޓަގްރާމް ޑައިރެކްޓް މެސެޖަށް ފޮނުއްވުމުން ބައިވެރިވުންކަށަވަރުވާނެ އެވެ.

މި ޕްރޮމޯޝަންގެ ނަސީބުވެރިޔާއަަށް ލިބޭނީ އެޕަލްގެ އެންމެ ފަހުގެ އައިފޯން، އައިފޯން 17 ޕްރޯ މެވްސްގެ އޮރެންޖް ކުލައިގެ ފޯނެކެވެ.

އެލައިޑަކީ ރާއްޖޭގެ ތަރައްގީ އާއި ކުރިއެރުމުގައި އެންމެ މުހިންމު އެއް އިންޝުއަރެންސް ބްރޭންޑެވެ. އެލައިޑުން ވަނީ ފާއިތުވި އަހަރުތަކުގެ ތެރޭގައި ރާއްޖޭގެ ވިޔަފާރިތަކާއި، އަމިއްލަ ފަރާތްތަކުގެ ދިރިއުޅުމަށް ބޮޑު ކުރިއެރުމެއް ހޯދައިދީފަ އެވެ.