ޑިފެންސް މިނިސްޓަރުކަމަށް ހަސަން ރަޝީދު ހަމަޖައްސައިފި

އިބްރާހިމް އިމާދު

15 އޭޕްރީލް 2026 - 20:55

0 comments

ހުސްވެފައިވާ ޑިފެންސް މިނިސްޓަރުގެ މަގާމަށް ހަސަން ރަޝީދު ދާދި ދެންމެއަކު އައްޔަނުކޮށްފި އެވެ.

ވަޒީރަށް މަޤާމުގެ ފަތްކޮޅު ދެއްވުމަށް ބޭއްވެވި ރަސްމިއްޔާތު އޮތީ މިރޭ އިރާކޮޅުގެ ވަގުތެއްގައި، ރައީސުލްޖުމްހޫރިއްޔާގެ އޮފީހުގަ އެވެ.

މި ރަސްމިއްޔާތުގައި ވަޒީރުންގެ މަޖިލީހުގެ މެންބަރުކަމުގެ ހުވައި ލައިދެއްވީ ރާއްޖޭގެ ސުޕްރީމް ކޯޓުގެ ފަނޑިޔާރު ޑރ. މުޙައްމަދު އިބްރާހީމް އެވެ. ހުވައި ކުރެއްވުމަށްފަހު، ވަޒީރުންގެ މަޖިލީހުގެ މެންބަރުންގެ ހުވައިގެ އިޤްރާރުގައި ވަޒީރު ވަނީ ސޮއިކުރައްވާފަ އެވެ.

ހަސަން ރަޝީދު ކުރިން ހުންނެވީ ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓްރީގެ ސްޓޭޓް މިނިސްޓަރުގެ މަގާމުގަ އެވެ.

ޑިފެންސް މިނިސްޓަރު ކަމަށް ބޭފުޅަކު އައްޔަންކުރެއްވީ އެ މަގާމުގައި ހުންނެވި މުހައްމަދު ޣައްސާން މައުމޫން އިއްޔެ އިސްތިއުފާ ދެއްވުމުންނެވެ.