ޑައިވިނަށް ދިޔަ 5 ފަތުރުވެރިއަކު މަރުވެފައި އޮއްވާ ފެނިއްޖެ

އިބްރާހިމް އިމާދު

14 މެއި 2026 - 19:24

0 comments

ވ. އަތޮޅުގައި ސަފާރީއަކުން ޑައިވިނަށް ގޮސް އުޅުނު ފަސް މީހަކު ހޯދަމުންދަނިކޮށް، މަރުވެފައި އޮއްވާ މިއަދު ފެނިއްޖެ އެވެ.

ފުލުހުން ބުނީ މިއަދު މެންދުރު ވ. އަތޮޅުގައި އޮތް ސަފާރީ އަކުން ޑައިވިނަށް ދިޔަ ފަސް މީހަކު ގެއްލިފައިވާ ކަމަށް ރިޕޯޓު ކޮށްފައިވާ ކަމަށެވެ.

އެމީހުން ހޯދުމަށް ކުރި މަސައްކަތުން، ގެއްލުނު ފަސް މީހުންވެސް ވަނީ ފެނިފަ އެވެ. ނަމަވެސް ފެނުނުއިރު އެ އެންމެންވެސް މަރުވެފައިވާ ކަމަށް ފުލުހުން ބުންޏެވެ.

ފުލުހުން ބުނި ގޮތުގައި މި ހާދިސާގައި މަރުވި ފަސް މީހުންނަކީ ވެސް އިޓަލީގެ ޓޫރިސްޓުންނެވެ.

މި ހާދިސާ ހިނގަން މެދުވެރިވި ސަބަބެއް އަދި ނޭނގެ އެވެ. ފުލުހުން ބުނީ މައްސަލަ ތަހުގީގުކުރަމުން އަންނަ ކަމަށެވެ.