ޑައިވިނަށް ދިޔަ 4 މީހަކު ގެއްލި، އެކަކު މަރުވެފައި އޮއްވާ ފެނިއްޖެ

އިބްރާހިމް އިމާދު

14 މެއި 2026 - 22:34

0 comments

ވ. އަތޮޅުގައި އޮތް ސަފާރީ އަކުން ޑައިވިނަށް ދިޔަ ފަސް މީހަކު ގެއްލިގެން ހޯދަމުން ދަނިކޮށް އެކަކު މަރުވެފައި އޮއްވައި ފެނިއްޖެ އެވެ.

އިޓަލީއަށް ނިސްބަތްވާ އެ ފަސް މީހުން ޑައިވިނަށް ގޮސް އުޅެނިކޮށް ގެއްލުނު މައްސަލަ ފުލުހުންނަށް ރިޕޯޓުކޮށްފައިވަނީ މިއަދު މެންދުރުފަހު 1:45ގަ އެވެ. އެ މީހުން ފެނުނުއިރު މަރުވެފައިވާކަން ފުލުހުން ފުރަތަމަ ކަށަވަރުކޮށްދިނެވެ. ނަމަވެސް ފަހުން ބުނީ އެހެން މީޑިއާއަށް މައުލޫމާތު ދެވުނީ މައުލޫމާތު ފުލުހުންނަށް ފޯރުކޮށްދިން ފަރާތުން އެރި އޮޅުމަކުން ކަމަށެވެެ.

ފުލުހުން ވ. އަތޮޅުގެ ފަރާތްތަކާ ހަވާލާދީ މިހާރު ބުނަނީ އަނެއް ހަތަރު މީހުން ހޯދުމުގެ މަސައްކަތް ކުރަމުން އަންނަ ކަމަށެވެ. މަރުވެފައި އޮއްވައި ފެނުނީ އެކަކު ކަމަށެވެ.