ރައީސް މުއިއްޒުއާ ބައްދަލުކުރަން އެދޭ ހޯރަފުށި ދާއިރާ މީހުން ނޯޓުކުރަން ހުޅުވާލައިފި

އިސްމާއިލް ރިޒާ

13 ޖުލައި 2026 - 17:51

0 comments

ރައީސް ޑރ. މުހައްމަދު މުއިއްޒުއާ ބައްދަލުކުރަން ބޭނުންވާ ރައްޔިތުންނަށް ނަން ނޯޓު ކުރުމުގެ ފުރުސަތު ހުޅުވާލައިފި އެވެ.

ރައީސް އޮފީހުން ބުނީ އެ ފުރުސަތު މި ފަހަރު ހުޅުވާލައިފައި ވަނީ:

ހުޅުދޫ ދާއިރާ
ހޯރަފުށި ދާއިރާ
ހުޅުމާލެ މެދު ދާއިރާ
ހުޅުމާލެ އުތުރު ދާއިރާ

ރައީސް މުއިއްޒުއާ ބައްދަލުކުރަން އެދޭ ރައްޔިތުން ނަން ނޯޓު ކުރާނީ އެކަމަށް ހާއްސަ ޕޯޓަލް މެދުވެރިކޮށް ކަމަށް ވެސް ރައީސް އޮފީހުން ބުންޏެވެ. ރައީސް މުއިއްޒުއާ ބައްދަލުކުރަން ނަން ނޯޓު ކުރުމުގެ ސުންގަޑިއަކީ އަންނަ ބުދަ ދުވަހުގެރޭ 12:00 އެވެ.

ރައްޔިތުންނާ ބައްދަލުކުރެއްވުމަށް ނިންމަވާފައިވާކަން އެމަނިކުފާނު އިއުލާންކުރެއްވީ ޕީއެސްއެމްއާއި ގުޅިގެން ގެނެސްދޭ ނޭޝަންޗެޓް ޕްރޮގްރާމްގައި ވާހަކަފުޅުދައްކަވަމުންނެވެ. ރައްޔިތުންގެ ވާހަކަތައް އަޑުއެއްސެވުމުގެ މަގުސަދުގައި، ވަކިވަކި ދާއިރާތަކުން، ސީދާ އެމަނިކުފާނާ ވަކިވަކީން ބައްދަލުކުރައްވައިގެން ވާހަކަދެއްކުމުގެ ފުރުސަތު މިޕްރޮގްރާމްގެ ތެރެއިން ފަހިވެގެންދާނެކަމަށް ރައީސްވަނީ ވިދާޅުވެފަ އެވެ.

މީގެކުރިންވެސް އެމަނިކުފާނުވަނީ ރައްޔިތުންނާ ގާތަށް ވަޑައިގެން ރައްޔިތުންގެ ހުރި ކަންބޮޑުވުންތައް އަޑުއައްސަވާފަ އެވެ. އެމަނިކުފާނުވަނީ ދެއަހަރުގެ ތެރޭގައި ރާއްޖޭގެ މީހުން ދިރިއުޅޭ ހުރިހާ ރަށަކަށް ވަޑައިގެން ހުރިހާ ކައުންސިލްތަކާއި ބައްދަލުކުރައްވާފަ އެވެ.