މީޑިއާ ވިލެޖްގެ މަސައްކަތް މި މަހުގެ ނިޔަަލަށް ނިންމަނީ

ހުނައިދާ ޔާސިރު

14 ޖުލައި 2026 - 13:34

0 comments

މީޑިއާ ވިލެޖުގެ މަސައްކަތް މި މަހުގެ ނިޔަލަށް ނިންމަން މަސައްކަތް ކުރަމުން އަންނަ ކަމަށް އެޗްޑީސީން މިއަދު ބުނެފި އެވެ.

މީޑީއާ ވިލެޖް ހެދުމަށް އެޗްޑީސީ އާއި އެކީ އެއްބަސްވުމެއްގައި ސޮއިކޮށްފައިވަނީ ވޯލްޑް އޮފް ބިޒްނަސް ޕްރައިވެޓް ލިމިޓެޑާއެވެ.

އެޗްޑީސީން މިއަދު ވިދާޅުވީ، މީޑިއާ ވިލޭޖްގެ އެންމެ ފަހުގެ (ފިނިޝިންގެ) މަސައްކަތްތައް މިވަގުތު ކުރިއަށްދާ ކަމަށެވެ. އަދި އަމާޒަކީ، މީޑިއާ ވިލެޖްގެ މަސައްކަތް މި މަހުގެ ނިޔަލަށް އެއްކޮށް ނިންމުން ކަމަށް ވެސް އެ ކުންފުނިން ބުންޏެވެ.

މީޑިއާ ވިލެޖެއް ގާއިމުކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. 2024 ވަނަ އަހަރުގެ މިނިވަން ދުވަހުގެ ޖަލްސާގައި ވާހަކަދައްކަވަމުން ރައީސް ވިދާޅުވީ މީޑިއާ ވިލެޖު ގާއިމުކުރާނީ އެސްޓީއޯ ހޮޓެލްގައި ކަމަށާއި އެ ތަނުން މީޑިއާތަކަށް ވަރަށް ކުޑަ އަގެއްގައި ޖާގަ ހަމަޖައްސައިދޭނެ ކަމަށެވެ.

އެތަނުގައި މީޑިއާތަކަށް ބޭނުންވާ ސްޓޫޑިއޯތައް ހަދައި ވަސީލަތްތައް ގާއިމުކުރުމުގެ މަސައްކަތް ކުރަމުންދާ ކަމަށްވެސް ރައީސް މުއިއްޒު ވިދާޅުވި އެވެ.