ޓެކްސް ކޮމިޝަނަރުގެ މަގާމަށް އަމީޒާ އައްޔަނުކުރަން ފެންނަ ކަމަށް ފާސްކޮށްފި

އިސްމާއިލް ރިޒާ

15 ޖުލައި 2026 - 11:06

0 comments

މޯލްޑިވްސް އިންލޭންޑް ރެވެނިއު އޮތޯރިޓީ ކޮމިޝަނާ ޖެނެރަލް އޮފް ޓެކްސްއޭޝަންގެ މަގާމަށް ފާތިމަތު އަމީޒާ އައްޔަންކުރެއްވުމަށް ރައްޔިތުންގެ މަޖިލީހުން ފާސްކޮށްފި އެވެ.

އަމީޒާގެ ނަމާއެކު، އިންސްޓިޓިއުޓް އޮފް ޗާޓާޑް އެކައުންޓްސް އޮފް މޯލްޑިވްސްގެ ރައީސްކަން ކުރައްވަމުން ގެންދަވާ މުހައްމަދު ހަލީމް އަބްދުﷲ، ސާދާގެ، ހއ. ތަކަންދޫ ގެ ނަން ވެސް މަޖިލީހަށް ފޮނުއްވި އެވެ.

މަޖިލީހުގެ ތަޅުމުގައި ދެ ބޭފުޅުންގެ ނަންފުޅަށް ވަކިވަކިން ވޯޓަށް އެހުމުން އަމީޒާއަށް ރުހުން ލިބިވަޑައިގަތީ ވޯޓުގައި ބައިވެރިވެވަޑައިގެންނެވި 64 މެންބަރުންގެ ފުރިހަމަ ތާއީދާއެކުގަ އެވެ.

ޓެކްސް ކޮމިޝަނަރުގެ މަގާމު ހުސްވީ އެ މަގާމުގައި ކުރިން ހުންނެވ، ހަސަން ޒަރީރު އެ މަގާމުން އިސްތިއުފާ ދެއްވުމަށްފަހު، ފިނޭންސް މިނިސްޓަރުކަމާ ހަވާލުވެވަޑައިގަތުމުންނެވެ.