އީވް ކްލިނިކުން، ހޯމް ކެއާ ހިދުމަތް ތައާރަފުކޮށްފި

އީވް ކްލިނިކުން، "ހޯމް ކެއާ" ހިދުމަތް ތައާރަފުކޮށްފި

ހުސެން ރަޝީދު

22 ޖުލައި 2026 - 09:49

0 comments

ގޭގައި ތިބެގެން ޞިއްޙީ ފަރުވާ ހޯދޭނެ "ހޯމް ކެއަރ" ޚިދުމަތް އީވް ކްލިނިކް ގްރޫޕުން ތައާރަފްކޮށްފި އެވެ.

އީވް ކްލިނިކް ވެސްޓް ޕާކް ބްރާންޗުގައި ރޭ ބޭއްވި ރަސްމިއްޔާތެއްގައި މި ޚިދުމަތް އިފްތިތާހުކޮށްދެއްވީ މިނިސްޓާ އޮފް ހެލްތު، ފެމިލީ އެންޑް ވެލްފެއާ ގީލާ އަލީއެވެ.

މި ހިދުމަތުގެ ދަށުން ބަލިމީހާގެ އަމިއްލަ ގޭގައި ތިބެގެން ގިނަ ފަރުވާތަކެއް ހޯދުމުގެ ފުރުސަތު ލިބިގެންދާނެ އެވެ. އެގޮތުން:

އާންމު ބަލިތަކުގެ ޑޮކްޓަރުންނަށް ދެއްކުން
ލޭގެ ޓެސްޓުތަކަށް ސާމްޕަލް ނެގުން
ކުދިކުދި ފާރުގަނޑުތައް ސާފުކުރުން
ނާސިންގްގެ ތަފާތު ހިދުމަތްތައް
ވިހެއުމަށްފަހު ދެވޭ ފަރުވާ (ތުއްތު ކުދިން ބެލެހެއްޓުމުގެ އިތުރުން، އާއިލާގެ ފަރާތުން މަންމައަށާއި ދަރިފުޅަށް އެހީތެރިކަން ފޯރުކޮށްދެވޭނެ ގޮތްތަކާއި ގުޅޭގޮތުން މައުލޫމާތު ދެވޭނެ)

"ހޯމް ކެއާ" ހިދުމަތްތަކަށް ރަޖިސްޓްރީވުމުގެ ފުރުސަތު މިހާރު ވަނީ އީވް ކްލިނިކް ގްރޫޕްގެ ހުރިހާ ކްލިނިކަކުން ހުޅުވާލާފައެވެ. ތިން ކްލިނިކާއެކު ހިންގަމުން އަންނަ އީވް ކްލިނިކް ހެލްތްކެއާ ޕްރައިވެޓް ލިމިޓެޑަކީ މިހާރު ރާއްޖޭގައި އޮތް އެންމެ ބޮޑު އަމިއްލަ ސިއްހީ ކުންފުންޏެވެ.