އެމްޑީޕީގެ މުޒާހަރާ މަޖީދީމަގުގައި ބާއްވަން ހުއްދައަށް އެދިއްޖެ

ހުނައިދާ ޔާސިރު

09 އޯގަސްޓް 2026 - 15:25

0 comments

ރާއްޖޭގެ ބާޒާރުގައި ތަކެތީގެ އަގު މައްޗަށް ދާތީ އެކަމާ ކަންބޮޑުވުން ފާޅުކުރުމުގެ ގޮތުން އިދިކޮޅު އެމްޑީޕީން އަންނަ ބުރާސްފަތި ދުވަހުގެ ރޭ މާލޭގައި ބާއްވާ މުޒާހަރާ މަޖީދީ މަގުގައި ކުރިއަށް ގެންދަން ފުލުހުންގެ ހުއްދައަށް އެ ޕާޓީން މިއަދު އެދިއްޖެ އެވެ.

ތަކެތީގެ އަގާއި ޑޮލަރުގެ އަގު އިންތިހާއަށް އުފުލެމުންދާތީ ބާއްވާ މި މުޒާހަރާ ފެށުމަށް ހަމަޖެހިފައިވަނީ މި މަހުގެ 13 ވާ ބުރާސްފަތި ދުވަހުގެ ރޭ 8:30 ގައި ސޯޝަލް ސެންޓަރު ކުރިމަތިންނެވެ.

މި މުޒާހަރާއާ ގުޅޭގޮތުން ފުލުހުންނާ ބައްދަލުކުރުމަށްފަހު މީޑިއާއަށް މައުލޫމާތު ދެމުން އެމްޑީޕީން ބުނީ، މުޒާހަރާ ކުރިއަށް ގެންދިއުމަށް އެ ޕާޓީން ބޭނުންވަނީ ސީދާ މަޖީދީމަގުގައި ކަމަށެވެ.

"އަޅުގަނޑުމެންގެ ވާހަކަ އަކީ އިތުރު އެހެން މަގެއް ނެތޭ، އަޅުގަނޑުމެން ހަމަ ދާނީ މަޖީދީ މަގުންނޭ އެއީ އަޅުގަނޑުމެންގެ ގާނޫނު އަޅުގަނޑުމެންނަށް ދީފައިވާ ހުއްދައެއްގެ ދަށުން އަޅުގަނޑުމެން އެ އިހުތިޖާޖު ކުރެވޭނެ ކަމަށް ގަބޫލު ކުރެވޭތީ، ހަމަ ސުލްހަވެރިކަމާ އެކީގައި ޝުއޫރު ފާޅުކުރުން މީގައި އޮންނާނީ އަމީން." ވިދާޅުވި އެވެ.

މުޒާހަރާ ފަސްކުރި ސީދާ ސަބަބެއް އެ ޕާޓީން ހާމަކޮށްފައެއް ނުވެ އެވެ. އެމްޑީޕީގެ ސިޔާސީ ހަރަކާތްތައް ފަހަކަށް އައިސް މަޑުޖެހިފައި އޮތުމަށްފަހު، މި ބާއްވާ ބޮޑު މުޒާހަރާގައި ވީހާވެސް ގިނަ ރައްޔިތުން ބައިވެރިވުމަށް އެ ޕާޓީން ވަނީ އިލްތިމާސްކޮށްފަ އެވެ.