ވަގުތީ ގޮތުން ބައްސާމް ގޭބަންދަށް ބަދަލުކޮށްފި

ޔޫނުސް އިބްރާހިމް

24 އޯގަސްޓް 2026 - 23:51

0 comments

މަނީ ލޯންޑްރިން ކުށް ސާބިތުވެ، ޖަލު ހުކުމެއް ތަންފީޒު ކުރަމުން އަންނަ ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް)ގެ ކުރީގެ ރައީސް ބައްސާމު އަދީލް ޖަލީލް ވަގުތީ ގޮތުން ގޭބަންދަށް ބަދަލުކޮށްފި އެވެ.

ކަރެކްޝަންސްގެ މީޑިއާ އޮފިޝަލް ވިދާޅުވީ، ބައްސާމް ގޭ ބަންދަށް ބަދަލުކުރީ ސިއްހީ ހާލަތު ހުރިގޮތުން މެޑިކަލް ބޯޑުގެ ވެސް ލަފަޔާ އެކު ކަމަށެވެ.

ގޭ ބަންދަށް ބަދަލުކުރީ ވަގުތީގޮތުން ކަމަށް އޮފިޝަލް ވިދާޅުވި ނަމަވެސް، ސީދާ ބަދަލުކުރީ ކިހާ ދުވަހަކަށް ކަން ވިދާޅެއްނުވެ އެވެ.

ބައްސާމް މިދިޔަ 16 މާޗުގައި ވެސް ގޭބަންދަށް ބަދަލުކުރި ނަމަވެސް މީހުންގެ ފާޑުކިޔުންތައް އަމާޒުވެފައިވަނިކޮށް ޖެހިގެން އައި ދުވަހު ޖަލަށް ބަދަލުކުރި އެވެ.

ބައްސާމްގެ މައްޗަށް ހުކުމްކޮށްފައިވަނީ:

އެފްއޭއެމަށް 2018ގައި ފީފާއިން ޖަމާކުރި ޑޮލަރުގެ ތެރެއިން 10،000 ޑޮލަރު 26 އޮގަސްޓް 2018ގައި ބައްސާމްގެ އަމިއްލަ އެކައުންޓަށް ޖަމާކުރި ކަމަށް ބުނާ މައްސަލައިގައި 9 އަހަރު
ކޮވިޑުގައި ކްލަބްތަކަށް ދިމާވީ މާލީ ދަތިކަން ހައްލުކޮށްދޭން ކަމަށް ބުނެ ފީފާ އަތުން އެފްއޭއެމުން ނެގި 1.9 މިލިއަން ޑޮލަރުގެ ކޮވިޑް ރިލީފް ލޯނުން 1 މިލިއަން ޑޮލަރަށް އަމިން އެވެނިއުގެ އެޕާޓްމަންޓެއް ގަތް ކަމަށް ބުނާ މައްސާލަގައި 23 އަހަރު