މެލޭޝިއާގެ ބޮޑުވަޒީރު އަންނަ ހަފްތާ ރާއްޖެ ވަޑައިގަންނަވަނީ

އިސްމާއިލް ރިޒާ

08 ސެޕްޓެމްބަރ 2026 - 14:53

0 comments

ރައީސް މުއިއްޒު މެލޭޝިއާގެ ބޮޑުވަޒީރު އަންވަރު އިބްރާހިމްއާ އެކު.- ފޮޓޯ/ރައީސް އޮފީސް

މެލޭޝިއާގެ ބޮޑުވަޒީރު އަންވަރު އިބްރާހިމް މި މަހުގެ 14 އިން 15އަަށް ރާއްޖެއަށް ރަސްމީ ދަތުރުފުޅެއް ކުރައްވަން ހަމަޖެހިއްޖެ އެވެ.

މި ރަސްމީ ދަތުރުފުޅުގައި އަންވަރު ރާއްޖެ ވަޑައިގަންނަވަނީ އަންނަ ހަފުތާ ހޯމަ ދުވަހުގެ ރެއެވެ. އަދި ފުރާވަޑައިގަތުމަށް ނިންމަވާފައިވަނީ ޖެހިގެން އަންނަ އަންގާރަ ދުވަހު އެވެ.

މި ދަތުރުފުޅާ ގުޅޭގޮތުން، ރައީސް އޮފީހުގެ ޗީފް ގަވަމަންޓް ސްޕޯކްސްޕާސަން، މުހައްމަދު ހުސައިން ޝަރީފް (މުންދު) އާ ސުވާލު ކުރުމުން މިހާތަނަށް ވަކި ޖަވާބެއް ދެއްވާފައެއް ނުވެ އެވެ.

އެ މަނިކުފާނު އަންނަ ހޮނިހިރާއި އާދިއްތަ ދުވަހު އިންޑިއާގައި ބާއްވާ ބްރިކްސް ސަމިޓަށް ވަޑައިގަންނަވާ ކަމަށް ބޭރުގެ މީޑިއާތަކުގައި ވަނީ ރިޕޯޓުކޮށްފަ އެވެ.