ބިލެތްދޫގެ ރަށްވެހިކަން ދޫކޮށްލާނަމަ ފީއެއް، ރަށްވެއްސަކަށްވާނަމަ އެލަވަންސެއް!

ޔޫނުސް އިބްރާހިމް

09 ސެޕްޓެމްބަރ 2026 - 19:49

0 comments

ފ. ބިލެތްދޫ - ފޮޓޯ/ އެކުއަޓިކް ބީސްޓް

ފ. ބިލެތްދޫގެ ރައްވެއްސަކަށް ވުމުން 2،500ރ.ގެ އެލަވަންސެއް ދިނުމަށް އެ ރަށު ކައުންސިލުން ނިންމާފައިވާކަން ހާމަކޮށްފި އެވެ.

ބިލެތްދޫ ކައުންސިލުން މިއަދު ކުރި އިއުލާނެއްގައިވާ ގޮތުން ކައުންސިލްގެ އެ ނިންމުމަށް އަމަލުކުރަނީ މިމަހުގެ އެއްވަނަ ދުވަހުން ފެށިގެންނެވެ.

ބިލެތްދޫ ކައުންސިލުން ނިންމާފައިވަނީ އެ ރަށުގެ ރަށްވެހިކަމުން ވަކިވާ ކޮންމެ މީހެއްގެ އަތުން 5000 ރުފިޔާގެ ފީއެއް ނެގުމަށެވެ. އަދި އެހެން ރަށެއްގެ ދަފްތަރުން ވަކިވެގެން ބިލެތްދޫގައި ރަޖިސްޓަރީވުމަށް އެދި ހުށަހަޅާ ކޮންމެ މީހަކަށް 2500 ރުފިޔާގެ އެލަވަންސެއް ދިނުމަށްވެސް ކައުންސިލުން ވަނީ ނިންމާފަ އެވެ.

ބައެއް ރަށްތަކުގެ އާބާދީ މަދުވަމުންދާތީ އެފަދަ ރަށްރަށުގެ ދަފްތަރުން އުނިކުރުމަށް ހުށަހަޅާއިރު ފީއެއް ނެގުމަކީ މިހާރަކަށް އައިސް ބައެއް ކައުންސިލުންތަކުން އަމަލުކުރަމުންދާ އުސޫލެކެވެ.