އުރީދޫ އެޕުން ރިޗާޖުކޮށްގެން އެއް ލައްކަ ރުފިޔާ!

އަބްދުﷲ މައުރޫފް

22 ސެޕްޓެމްބަރ 2026 - 13:45

0 comments

އުރީދޫ އެޕް މެދުވެރިކޮށް ރީޗާޖުކޮށްގެން ނުވަތަ ޝަރުތު ހަމަވާ ޕެކްތައް އެކްޓިވޭޓްކޮށްގެން، ކޮންމެ ހަފްތާއަކު 12،000 ރުފިޔާ އަދި ގްރޭންޑް ޕްރައިޒްގެ ގޮތުގައި 100،000 ރުފިޔާ ހޯދުމުގެ ފުރުސަތު ޕްރީޕެއިޑް ކަސްޓަމަރުންނަށް ލިބޭ ގޮތަށް އުރީދޫ މޯލްޑިވްސްއިން "ރީޗާޖް އެންޑް ވިން" ގެ ނަމުގައި އާ ޕްރޮމޯޝަނެއް ފަށައިފި އެވެ.

"ރިޗާޖް އެންޑް ވިން"ގެ ނަމުގައި ފެށި ޕްރޮމޯޝަނުގައި ކޮންމެ ހަފްތާއަކަށް ވެސް ވަނީ ފައިސާގެ އިނާމެއް ހުށަހަޅައިފަ އެވެ. އެގޮތުން އުރީދޫ އެޕުން ރިޗާޖުކުރާ ކަސްޓަމަރުންގެ ތެރެއިން ކޮންމެ ހަފްތާއަކު ވެސް ގުރުއަތުން ހޮވޭ ކަސްޓަމަރަކަށް 12،000ރ. ލިބޭނެ އެވެ.

މި ޕްރޮމޯޝަން ކުރިއަށް ދާނީ ޑިސެމްބަރު މަހުގެ ނިޔަލަށެވެ.

ޕްރޮމޯޝަންގެ މުޅި މުއްދަތުގައި ކަސްޓަމަރުންނަށް އެތައް ފަހަރަކު ގުރުއަތުގައި ބައިވެރިވުމުގެ ފުރުސަތު އޮންނާނެކަމަށާއި އެގޮތުން، ހަފްތާއެއްގެ ތެރޭގައި ޝަރުތު ހަމަވާ 300 ރުފިޔާގެ ދެ ރީޗާޖުކުރާ ކަސްޓަމަރަކަށް އެ ހަފްތާގެ ގުރުއަތުލުމުގައި ދެ ފުރުސަތު ލިބޭއިރު، މި ދެ ފުރުސަތު ގްރޭންޑް ޕްރައިޒް ގުރުއަތުލުމުގައިވެސް ގުނޭނެކަމަށް އުރީދޫން ބުންޏެވެ.

އަދި ކޮންމެ ހަފްތާއަކު ނަސީބުވެރި އެއް ކަސްޓަމަރަކަށް 12،000 ރުފިޔާ ލިބޭއިރު، ޕްރޮމޯޝަން ނިމުމުން ނަސީބުވެރި އެއް ކަސްޓަމަރަކަށް 100،000 ރުފިޔާގެ ގްރޭންޑް ޕްރައިޒް ލިބޭނެ ކަމަށް ވެސް ބުންޏެވެ.

"ރީޗާޖް އެންޑް ވިން" ޕްރޮމޯޝަން މެދުވެރިކޮށް އުރީދޫ މޯލްޑިވްސްއިން އަމާޒުހިފާފައިވަނީ، ޑިޖިޓަލްކޮށް މޯބައިލް ޚިދުމަތްތައް މެނޭޖުކުރުމުގެ ފަސޭހަކަން ތަޖުރިބާކުރުމަށް ވީހާވެސް ގިނަ ކަސްޓަމަރުންނަށް ހިތްވަރުދިނުމަށެވެ.

މިއީ ކަސްޓަމަރުންނަށް ފަސޭހައިން ލިބޭ ޑިޖިޓަލް ތަޖުރިބާތަކެއް ފޯރުކޮށްދީ، އާންމު ދިރިއުޅުމުގެ ގުޅުންތައް އިތުރަށް ފަސޭހަކޮށްދިނުމަށް އުރީދޫގެ ޑިޖިޓަލް މޯލްޑިވްސް ތަސައްވުރުގެ ދަށުން ކުރަމުންދާ މަސައްކަތްތަކުގެ ބައެކެއްކަމަށް އުރީދޫން ވަނީ ބުނެފައެވެ.