އެމްއެމްއޭގެ 5 މިލިއަންގެ ރިސާޗު ފަންޑަށް އެދެން ހުޅުވާލައިފި

ހުނައިދާ ޔާސިރު

24 ސެޕްޓެމްބަރ 2026 - 10:24

0 comments

މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ރިސާޗް ފަންޑުގެ މިއަހަރުގެ ގްރާންޓަށް ކުރިމަތިލުމުގެ ފުރުސަތު އިއްޔެ ހުޅުވާލައިފި އެވެ.

މި ރިސާޗު ފަންޑުގެ ދަށުން އިންޑިޕެންޑެންޓް ރިސާޗު ގްރާންޓާއި ފޮތް ލިޔުމުގެ ގްރާންޓަށް ޕްރޮޕޯސަލް ހުށަހެޅޭނެ އެވެ. މި ގްރާންޓަށް ކަޑައަޅާފައިވާ ޖުމްލަ އަދަދަކީ 5 މިލިއަން ރުފިޔާ އެވެ.

އެމްއެމްއޭގެ ރިސާޗު ފަންޑަށް ކުރިމަތިލުމުގެ ފުރުސަތު އަންނަ މަހުގެ 13އާ ހަމައަށް ވަނީ ހުޅުވާލާފަ އެވެ. ރިސާޗު ފަންޑަށް ކުރިމަތިލާނީ އެމްއެމްއޭ ރިސާޗު ފަންޑް ޕޯޓަލް މެދުވެރިކޮށެވެ.

މި ފަންޑަށް އަމިއްލަ ފަރުދުންނަށާއި ތައުލީމީ އިދާރާތަކާއި ތިންކު ޓޭންކުތަކަށް ކުރިމަތިލޭވޭނެ އެވެ.

އެމްއެމްއޭ އިން ބުނީ މި ފަންޑަށް އަމިއްލަ ފަރުދުންނަށާއި ތައުލީމީ އިދާރާތަކާއި ތިންކު ޓޭންކުތަކަށް ކުރިމަތިލޭވޭނެ ކަމަށެވެ. އެމްއެމްއޭއިން ހާމަކުރާގޮތުގައި، މި ފަންޑަށް ހުށަހަޅާ ޓީމުތައް ލީޑުކުރާ ފަރާތަކީ މާސްޓަރސް ޑިގްރީއެއް ނުވަތަ އެއަށް ވުރެ މަތީ ސަނަދެއް އޮތް ފަރުދަކަށް ވާންޖެހެއެވެ. އަދި ޕީއެޗްޑީ އޮންނަ ފަރާތްތަކުން މި ފަންޑަށް ކުރިމަތިލުމަށް އެ އޮތޯރިޓީން ހިތްވަރުދެއެވެ.

އެމްއެމްއޭއިން ހާމަކުރާ ގޮތުގައި ރިސަރޗް ގްރާންޓްގައި އެންމެ ބޮޑަށް ބަލާނީ އެމްއެމްއޭގެ މަގްސަދުތަކާއި ގައުމަށް އެންމެ ބޭނުންޖެހިފައިވާ ދާއިރާތަކަށެވެ. ނަމަވެސް، އެހެން ދާއިރާތަކުން ވެސް ރިސަރޗް ގްރާންޓަށް ކުރިމަތިލެވޭނެއެވެ. އެ އޮތޯރިޓީން ފާހަގަކޮށްފައިވާ މައިގަނޑު ދާއިރާތަކުގެ ތެރޭގައި އިގުތިސާދީ ހަމަޖެހުމާއި، މަނިޓަރީ ސިޔާސަތާއި، އިންފްލޭޝަން ޑައިނަމިކްސް ހިމެނެއެވެ. އަދި މާލީ ދާއިރާގެ ވިލުންވެރިކަމާއި، ޑިޖިޓަލައިޒޭޝަނާއި ފިންޓެކް، ފަތުރުވެރިކަމާއި ދެމެހެއްޓެނިވި އިގުތިސާދު، އިސްލާމީ މާލިއްޔަތު، ވަޒީފާގެ ބާޒާރާއި ތައުލީމީ ދާއިރާ، ބޯހިޔާވަހިކަމާއި އަރބަން ޑިވެލޮޕްމަންޓް، އަދި ސިއްހީ ދާއިރާއާއި ދައުލަތުގެ ހަރަދު ފަދަ ދާއިރާތައް ހިމެނެއެވެ.

އެމްއެމްއޭގެ ރިސަރޗް ފަންޑަކީ 2024 ވަނަ އަހަރުގެ ޑިސެންބަރު މަހު އެ އޮތޯރިޓީގެ ރިސަރޗް ކޮންފަރެންސްގައި އިފްތިތާޙް ކޮށްފައިވާ ފަންޑެކެވެ. މި ފަންޑުގެ ފުރަތަމަ ބުރު ހުޅުވާލާފައި ވަނީ 2025 ވަނަ އަހަރެވެ. މިގޮތުން، 2025 ވަނަ އަހަރު މި ފަންޑުގެ ދަށުން 6 ރިސަރޗް ޕްރޮޕޯސަލް އަދި އެއް ފޮތް ގްރާންޓް އެވޯޑު ކޮށްފައިވެއެވެ.

އެމްއެމްއޭގެ ރިސަރޗް ފަންޑަށް ކުރިމަތިލުމުގެ ފުރުސަތު 13 އޮކްޓޫބަރު 2026އާ ހަމައަށް ވަނީ ހުޅުވާލެވިފައެވެ. ރިސަރޗް ފަންޑަށް ކުރިމަތިލާނީ އެމްއެމްއޭ ރީސާޗް ފަންޑް ޕޯޓަލް މެދުވެރިކޮށެވެ.

ރިސަރޗް ފަންޑާބެހޭ އިތުރު މައުލޫމާތު އަދި އެޕްލިކޭޝަން ހުށަހެޅުމަށް: https://www.mma.gov.mv/#/research/researchfund