ޔުނިކޯޑް ސްޓޭންޑާޑްގައި ދިވެހި ރުފިޔާގެ ނިޝާން ހިމަނައިފި

އިސްމާއިލް ރިޒާ

16 ސެޕްޓެމްބަރ 2026 - 21:38

0 comments

ދަ ޔުނިކޯޑް ކޮންސޯޓިއަމް އިން ނެރޭ ޔުނިކޯޑް ސްޓޭންޑާޑްގައި ދިވެހި ރުފިޔާގެ ނިޝާން ހިމަނައިފި އެވެ.

ރުފިޔާގެ ރަސްމީ ނިޝާނެއްގެ ގޮތުގައި ބޭނުން ކުރުމަށް ހަމަޖެހިފައިވަނީ ތާނައިގެ ރާ އަކުރުގެ މެދުން އިތުރު ރޮނގެއް ދެމުމުން އިންނަ ގޮތަށް ފަރުމާކޮށްފައިވާ ނިޝާނެކެވެ.

ޔުނިކޯޑް ސްޓޭންޑާޑް ވާޝަން 18.0 އިން ދިވެހި ރުފިޔާގެ ނިޝާނަށް ދީފައިވާ ކޯޑް ޕޮއިންޓަކީ U+20C2 އެވެ.

ޔުނިކޯޑް ކޮންސޯޓިއަމްއަކީ ޑިޖިޓަލް ޕްލެޓްފޯމްތަކުގައި އެކި ގައުމުތަކުގެ ފައިސާގެ ނިޝާންތައް އެއް މިންގަނޑަކުން ދެނެގަނެވޭ ގޮތަށް ހަދައި، އަދި އެކަން ބަލަހައްޓާ އިދާރާ އެވެ. ނަމަވެސް އެ ގައުމެއްގެ ފައިސާގެ ނިޝާންތައް ތައްޔާރުކޮށް، ޑިޒައިން ކުރުމަކީ އެ ގައުމެއްގެ ރަސްމީ އިދާރާތަކުން އަމިއްލައަށް ކުރާ ކަމެކެވެ.