ޑޮލަރުގެ މައްސަލަ ހައްލު ނުވެ، އަގު ދަނީ މައްޗަށް: ނަޝީދު

އަބްދުﷲ މައުރޫފް

30 ސެޕްޓެމްބަރ 2026 - 17:33

0 comments

ޑޮލަރު ލިބުމުގެ ދައްޗަށް ހައްލެއް ނާންނަ ކަމަށާއި ޑޮލަރު ވިއްކާ ރޭޓް ދަނީ އުފުލެމުން ކަމަށް ކުރީގެ ރައީސް އަދި އިދިކޮޅު އެމްޑީޕީގެ ޗެއާޕާސަން މުހައްމަދު ނަޝީދު ވިދާޅުވެއްޖެ އެވެ.

ސޯޝަލް މީޑިއާގައި އެ މަނިކުފާނު މިއަދު ވިދާޅުވީ ޑޮލަރުގެ ދަތިކަމަށް ކުޑަ ވެސް ހައްލެއް ނާންނަ ކަމަށާއި ޑޮލަރުގެ އަގު އަދިވެސް ދަނީ މައްޗަށް ކަމަށެވެ. އެމްޑީޕީގެ ޗެއާޕާސަން ވިދާޅުވީ އަމިއްލަ ވިޔަފާރިތަކަށް ޓީޓީ ނުހެދޭ ކަމަށާއި ތަކެތި ރާއްޖެ އަށް ބޭނުންވާ މުދާ ވެސް އިމްޕޯޓް ނުކުރެވިފައިވާ ކަމަށެވެ.

"ސަރުކާރުން އުއްމީދުކުރީ ސެޕްޓެމްބަރ ނިމޭއިރު ސާޅީސް ޕަސެންޓް މާރުކުރަން މަޖްބޫރު ކުރުމާއި އަދި ބޭރުގެ ޓުއާ އޮޕަރޭޓަރުންގެ އަތުން ޖީއެސްޓީ އަށް މަޖްބޫރު ކުރުމުން 160 މިލިއަން ޑޮލަރު ލިބޭނެ ކަމަށް، ނަޝީދު ވިދާޅުވި އެވެ. މީގެން އެއް ކަމެއް ވެސް ނުވި. ދަތިވަމުން ދަނީ ރައްޔިތުންނަށް."

ޑޮލަރު މައްސަލަ ހައްލު ކުރަން ސަރުކާރުން ފިޔަވަޅުތައް އަޅައި ރިސޯޓުތަކާއި 25 މިލިއަން ޑޮލަރަށް ވުރެ ބޮޑު އާމްދަނީއެއް ލިބޭ ވިޔަފާރިތަކުން ޑޮލަރު މާރުކުރަންޖެހޭ މިންވަރު ވަނީ އާމްދަނީގެ 40 ޕަސެންޓަށް ޖައްސާފަ އެވެ.