ފްލައިޑުބާއީގެ ބޯޓު ވައްޓާލަން އުޅުނު މައްސަލައިގައި ދެ ދިވެހިންނާ ސުވާލުކޮށްފި

ހުނައިދާ ޔާސިރު

03 އޮކްޓޫބަރ 2026 - 21:21

0 comments

ޔުނައިޓެޑް އެރަބް އެމިރޭޓްސްގެ ޑުބާއީ އިން ފުރައިގެން އިޒްރޭލުގެ ތެލް އަވީވަށް ދަތުރު ކުރި ފްލައިޑުބާއީގެ މަތިންދާބޯޓު ވައްޓާލަން އުޅުނު މައްސަލައިގައި ދެ ދިވެހިންނާ ސުވާލުކޮށްފި އެވެ.

އިޒްރޭލުގެ ގިނަ ބަޔަކު ހިމެނޭހެން 182 ދަތުރުވެރިންނާއެކު ދަތުރުކުރި ބޯޓުގެ ޕައިލެޓަށް ހަމަލާދީ ޒަހަމްކޮށްލާފައި ވަނިކޮށް އޭނާ ކޮކްޕިކް ދޮރު ހުޅުވުމުން ކްރޫންނާއި ފަސިންޖަރުން ކޮކްޕިޓަށް ވަދެ ބޯޓުގެ ކޮންޓްރޯލް ހޯދައި ކޯ-ޕައިލެޓް ވަނީ ހިފަހައްޓައިފަ އެވެ. އަދި ކުއްލި ހާލަތުގައި ސައޫދީ އަރަބިއްޔާގެ ތަބޫކް އެއާޕޯޓަށް ޖެއްސި އެވެ.

އެ މައްސަލައާ ގުޅޭ ގޮތުން ޔުނައިޓެޑް އަރަބް އެމިރޭޓްސްއިން ވަނީ، އެ ހަމަލާއަކީ ބޯޓު ވައްޓާލަން ކޯޕައިލެޓް ދިން ހަމަލާއެއް ކަމަށާއި އެއީ ޓެރަރިޒަމްގެ އަމަލެއް ކަމަށް ބުނެފައެވެ.

މިކަމާ އިތުރު މައުލޫމާތެއް އަދި ރަސްމީ އެއްވެސް އިދާރާއަކުން ހާމައެއް ނުކުރެ އެވެ.