ބޮލީވުޑްގެ ކުރީގެ ބަތަލާ ޒީނަތު އަމަންގެ ހިފެހެއްޓުމެއް ތައުރީފް ބޮލީވުޑްގެ ރަސްގެފާނު އަމީތާބަށް ކޮށްފިއެވެ. ސޮނީ ޓީވީން ގެނެސްދޭ އިންޑިއަން އައިޑޮލްގައި "ޒީނަތު އަމަން" އަށް ޚާއްސާކޮށްގެން ގެނެސްދިން އެޕިސޯޑުގައި ޒީނަތު ވަނީ އަމިތާބަށް ތައުރީފުކޮށް ވަރަށް ގިނަ ވާހަކަ ދައްކާފައެވެ. އެގޮތުން ފިލްމީ ހަޔާތުގައި ގަޑިއަށް ހާޒިރުވުމުގައި އަމީތަބީ ނަމޫނާއެއް ކަމަށް ވަނީ ބުނެފައެވެ. އަދި ޝޫޓިންގއަށް ދުވަހަކުވެސް ގަޑި ނުޖެހޭ ކަމަށާއި ބައެއް ދުވަސްދުވަހު ގަޑިޖެހުމުގެ 1 ގަޑިއިރަށްވުރެވެސް ކުރިން ސެޓަށް އަމީތާބު އަންނަކަމަށް ޒީނަތު ބުންޏެވެ. "އަހަރެން ހަމަ ބުނާނީ ގަޑިއަށް ހާޒިރުވުމުގައި އަމީތާބުވަރެއް ނުވާނޭ. ޝޫޓިންގ ގަޑި ޖެހުމުގެ މާކުރިން ހުންނާނެ އައިސް. ބައެއް ދުވަސްދުވަހު ހުންނާނެ މާކުރިން އައިސް. އަދިބުނަން އަމީތާބު އައިސް ބުނާނެ ބޭނުމެއް ނޫނޭ އެންމެފަހުން ސެޓަށް އަންނަ މީހަކަށްވާން. އެހެންވެއޭ ކުރިން އަންނަނީ" ޒީނަތު ބުންނެވެ. މީގެ އިތުރުން ޒީނަތު ބުނީ އަމީތާބު އެކުރި ހިތްވަރާއި ބުރަ މަސައްކަތް މިހާރުގެ ގިނަ ސްޓާރުންނަށް ނުކުރެވޭނެ ކަމަށާއި އަމީތާބުގެ ބުރަ މަސައްކަތުގެ ނަތީޖާވެސް ރަނގަޅު ކަމަށެވެ. އެއީ މިހާރުގެ ސްޓާރުންވެސް ނަމޫނާއަކަށް ނަގަންޖެހޭ ކަމެއްކަމަށްވެސް ޒީނަތު ބުންޏެވެ. ޒީނަތު އިތުރަށް ބުނީ ހެދުން އެޅުމާއި ސްޓައިލްގައި ހުރުމަކީވެސް އަމީތާބުގެ ވަރަށް އަޅައިގަންނަ ސިފައެއް ކަމަށާއި އެގޮތުން އެ މުނާސަބަތަކާއި ގުޅޭ އަދި ޒަމާނާއި ގުޅޭގޮތުން ހެދުން އެޅުަމަކީ އަމީތާބު އަބަދުވެސް ކުރާ ކަމެއް ކަމަށެވެ. އެހެންވެ، އަމީތާބަކީ ހުރިހާ ސްޓައިލަކަށް ފިޓްވާ މީހެއްކަމަށްވެސް ޒީނަތު ބުންޏެވެ. އަމީތާބާއި ޒީނަތު އެކުގައި ކުޅެ، ސްޕަރހިޓް ވެފައިވާ ފިލްމުތަކުގެ ތެރޭގައި ދޯސްތާނާ، ޑޮން، ދަ ގްރޭޓް ގޭމްބްލަރ ފަދަ ފިލްމުތައް ހިމެނެއެވެ.