އާލިއާ ބަޓް އާއި ރަންބީރު ކަޕޫރުގެ ކައިވެނި މިއަހަރު ކުރާނެކަަމަށް މައުލޫމާތު ލިބިއްޖެއެވެ. މިކަން ހާމަކޮށްފައިވަނީ މަޝްހޫރު ފިލްމު ކްރިޓިކް ރަޖީވް މަސަންދު އޯޕަން މެގަޒިންގައެވެ. އެ މެގަޒިންގައި ބުނެފައިވަނީ ރަންބީރާއި އާލިއާގެ ކައިވެނި މިއަހަރުގެ ޑިސެމްބަރު މަހު ކައިވެނިކުރާނެ ކަމަށެވެ. ނަމަވެސް ކައިވެނި ކުރާނެ ވަކި ތާރީޚެއް އަދި ތަނެއް ހާމައެއް ނުކުރެއެވެ. އެގައުމުގެ މީޑިއާ އިން ކުރިން ހާކޮށްފައިވަނީ އެ ދެ ތަރިންގެ ކައިވެނިކުރާނީ ދެ ތަރިން އެކުގައި ކުޅުނު ފުރަތަމަ ފިލްމު "ބުރައްމަސްތުރާ" ރިލީޒްކުރުމާ ގާތްކޮށްފައެވެ. އެ ފިލްމު ސިނަމާތަކުގައި އަޅުވަން ނިންމާފައިވަނީ ޑިސެމްބަރު މަހުގެ 4 ގައެވެ. މިދިޔަ ހަފުތާގައިވެސް ރަންބީރްގެ އާއިލާގެ ތެރޭގައި ވަނީ ކައިވެންޏެއްކޮށްފަ އެވެ. އެއީ އޭނާގެ ދެބޭންގެ ދެދަރި ކޮއްކޮ 2014 ގައި ރިލީޒްކުރި "ލޭކަރް ހަމް ދީވާނާ ދިލް" ގެ ބަތަލް އަރްމާން ޖެއިން އާއި އަނީސާ މަލްއުތުރާގެ ކައިވެންޏެވެ. އެހެންކަމުން ގިނަ ބަޔަކު މިހާރު އިންތިޒާރުކުރަމުން އަންނަނީ އާލިއާ އާއި ރަންބީރުގެ ކައިވެންޏަށެވެ. ލަފާކުރެވޭ ގޮތުގައި އިންތިޒާރުގެ ވަގުތު ދެން މާދިގުލައެއް ނުދާނެއެވެ.