އެކްޓިންގ ދަސްކޮށްދޭ ވޯކްޝޮޕެއް ފަށައިފިއެވެ. ނޭޝަނަލް ސެންޓަރ ފޯ ދި އާޓްސް (އެންސީއޭ) އިން ރޭ ފެށި މި ވޯކްޝޮޕަކީ 5 ދުވަހުގެ މުއްދަތަށް ކުރިއަށް ގެންދާ ވޯކްޝޮޕެކެވެ. ރާއްޖޭގައި ހުންނަ އިންޑިއަން ކަލްޗުރަލް ސެންޓަރާއި ގުޅިގެން ކުރިއަށް ގެންދާ މި ވޯކްޝޮޕުގައި ތިރީހަށްވުރެ ގިނަ މީހުން ވަނީ ބައިވެރިވެފައެވެ. އޭގެތެރޭގައި ރާއްޖޭގެ މަޝްހޫރު ފަންނާނުންނާއި އެކްޓްކުރުމުގެ ދާއިރާއަށް މުޅިން އަލަށް ވަންނަން ބޭނުންވާ ފަރާތްތައްވެސް ހިމެނެއެވެ. މީގެ އިތުރުން ރާއްޖެއާއި ރާއްޖޭއިން ބޭރުގެ ފަރާތްތައްވެސް ހިމެނެއެވެ. މި ވޯކްޝޮޕްގައި ކިޔަވައިދޭނީ ދިއްލީގެ ނޭޝަނަލް ސްކޫލް އޮފް ޑްރާމާގެ ޑައިރެކްޓަރު އަދި އެސޯސިއޭޓް ޕްރޮފެސަރުންނެވެ.