އެއްވެސް މުބާރާތެއްގައި ރޭޑިއަންޓަށް ބައިވެރި ނުވެވޭނެކަމަށް އަންގައިފި

ހުސެން ރަޝީދު

20 އޭޕްރީލް 2022 - 00:36

0 comments

ރޭޑިއަންޓްގެ ބޯޑަށް އިންތިހާބުވި މެންބަރުން -

އަލަށް ރަޖިސްޓްރީކޮށްގެން، ތިންވަނަ ޑިވިޝަން ފުޓްބޯޅަ މުބާރާތުގައި ބައިވެރިވުމަށް ތައްޔާރުވަމުންދާ ރޭޑިއަންޓް ސްޕޯޓްސް ކްލަބަށް އެފްއޭއެމްގެ އެއްވެސް މުބާރާތެއްގައި ބައިވެރި ނުވެވޭނެ ކަމަށް އެފްއޭއެމުން އަންގައިފި އެވެ.

ރޭޑިއަންޓުން ބުނީ ރޭޑިއަންޓަކީ ފުޓްބޯޅައިގެ ހަރާކްތަކުން ސަސްޕެންޑްކޮށްފައިވާ ނިއު ރޭޑިއަންޓް ސްޕޯޓްސް ކްލަބް ކަމަށް ބުނެ އެއްވެސް މުބާރާތެއްގައި ބައިވެރި ރޭޑިއަންޓަށް ބައިވެރި ނުވެވޭނެ ކަމަށް އެފްއޭއެމުން އެކްލަބަށް އަންގާފައިވާ ކަމަށެވެ.

"އެފްއޭއެމުން ބުނަނީ އެގޮތަށް އެންގީ އޭއެފްސީންނޭ،" ރޭޑިއަންޓްގެ ޗެއާމަން އަހްމަދު ވާސިފް ވިދާޅުވި އެވެ.

ރާއްޖޭގައި އެންމެ ކާމިޔާބު އަދި އެންމެ ސަޕޯޓަރުންގިނަ އެއް ކުލަބުގެ ގޮތުގައި އަބަދުވެސް ނިސްބަތްކުރެވޭ ނިއު ރޭޑިއަންޓަށް އަލުން ފުޓުބޯޅައިގެ ތެރެއަށް އައުމަށް ގޮންޖެހުންތަކެއް ކުރިމަތިވެފައިވާއިރު، ރޭޑިއަންޓް ސްޕޯޓްސް ކުލަބު ވުޖޫދުވުމާއެކު އެކުލަބުގެ ޒަމާންވީ ސަޕޯޓަރުންގެ މެޗުގައި އަނެއްކާވެސް ދިވެހި ފުޓުބޯޅައިގެ ފޯރި އިތުރުވެ، ވަރުގަދަވެގެންދާނެކަމަށް ބެލެވުނެވެ.

މި އުންމީދުގައި އެކުލަބުން ތިންވަނަ ޑިވިޝަނުން ފަށަން ޖެހުނު ކަމުގައިވީނަމަވެސް، ދިވެހި ފުޓުބޯޅައިގެ އެންމެ އުހުގައި ވަރަ ފަތުރާލުމަށް ކުރާ މަސައްކަތުގެ ތެރެއިން ތަޖުރިބާކާރު ކޯޗިންގް ޓީމެއް ޓީމަށް ގެނެސް، ކުރީގެ މަޝްހޫރު ކުޅުންތެރިންނާއި ޒުވާން ހުނަރުވެރި ކުޅުންތެރިންތަކެއްވެސް ޓީމަށް ގެނެސްފައިވެއެވެ.

އެގޮތުން ޓީމުގެ ހެޑް ކޯޗަކަށް ނިއުރޭޑިއަންޓާއެކު ގިނަ ކާމިޔާބީތަކެއް ހޯދި ސޮބާހު މުޙައްމަދު ހަމަޖެއްސިއިރު، އެސިސްޓަންޓް ކޯޗެއްގެ ގޮތުގައި ނިއުރޭޑިއަންޓްގެ ކެޕްޓަންކަންކޮށް ކްލަބާއެކު ގިނަ ކާމިޔާބީތަކެއް ހޯދި މިޑްފީލްޑަރ އަހުމަދު މުޙައްމަދު (އައްމަޑޭ) ވަނީ ހަމަޖައްސާފައެވެ. އައްމަޑޭ ހަރަކާތްތެރިވާން އޮތީ އެސިސްޓަންޓް ކޯޗް / ކުޅުންތެރިއެއްގެ ގޮތުގައެވެ.

ނިއު ރޭޑިއަންޓުން އޭރު ވެސް ތުހުމަތުކުރަމުން ދިޔައީ އެ ކްލަބާ މެދު އެފްއޭއެމުން ފިޔަވަޅު އެޅީ އެ އެސޯސިއޭޝަނުގެ އެގްޒެކެޓިވް ކޮމިޓީގެ އިތުބާރު ނެތްކަމުގެ ވޯޓެއް ނަގަން ހުށަހެޅުމުން ކަމަށެވެ.

މާލީ މައްސަލަތައް ދިމާވެ ކުޅުންތެރިންނަށް މުސާރަ ނުދެވޭ އެތައް ކްލަބެއް ރާއްޖޭގައި އެބައޮތެވެ. ދާދި ފަހުން އެ މައްސަލަ ދިމާވީ ވެލެންސިއާ އަށެވެ. އެ ކްލަބުގެ ގޯލްކީޕަރު މުހައްމަދު ފައިސަލް ވަނީ މުސާރަ ނުދޭތީ ޓީމުން ވަކިވެފަ އެވެ. އަދި ފައިސާ ނެތުމުން އެ ކްލަބުން މިދިޔަ ހަފުތާގައި އޭއެފްސީ ކަޕް މެޗަކަށް ވެސް ނުދެ އެވެ. އެފްއޭއެމް އަށް ވެސް ފައިސާގެ މައްސަލަ ޖެހި މުވައްޒަފުންނަށް މުސާރަ ނުދެވޭ ހިސާބަށް ވަނީ ގޮސްފަ އެވެ.