އަންނަ މަހުން ފެށިގެން އޮލިމްޕަސް ބުކް ކުރަން ހުޅުވާލަނީ

އިސްމާއިލް ރިޒާ

16 ޑިސެމްބަރ 2022 - 23:54

0 comments

އޮލިމްޕަސް

އޮލިމްޕަހުގައި އެކިއެކި ހަރަކާތްތައް ބާއްވަން ބޭނުންވާ ފަރާތްތަކުން މިއަދުން ފެށިގެން އެޑްވާންސް ބުކިން ހެދުމަށް ނެޝަނަލް ސެންޓާ ފޯ ދި އާޓްސް އިން ހުޅުވާލައިފި އެވެ.

އޮލިމްޕަސް އަލުން ބުކް ކުރަން ހުޅުވާލާއިރު، ކޮވިޑް-19ގެ ބަލިމަޑުކަމާ ގުޅިގެން 2020 ވަނަ އަހަރު އޮލިމްޕަސް ބަންދު ކުރިއިރު ފިލްމު ދެއްކުމަށް އޮލިމްޕަސް ބުކްކޮށް، އެޑްވާންސް ދައްކާފައިވާ ފަރާތްތަކަށް އިސްކަންދެވޭނެ ކަމަށް އެ އިއުލާނުގައި ބުނެފައިވެ އެވެ.

އެ އިއުލާނުގައި ބުނީ، އޮލިމްޕަސް ކުއްޔަށް ހިފުމަށް www.nca.gov.mv މެދުވެރިކޮށް ފޯމު ހުށަހެޅޭނެ ކަމަށެެވެ.

އޮލިމްޕަސް އަލުން ބުކް ކުރަން ހުޅުވާލިއިރު ކޮވިޑްގެ ހާލަތާއި ގުޅިގެން 2020 ވަނަ އަހަރު އޮލިމްޕަސް ބަންދު ކުރަންޖެހުނު ވަގުތުގައި ފިލްމު ދެއްކުމަށް އޮލިމްޕަސް ބުކްކޮށް، އެޑްވާންސް ދައްކާފައިވާ ފަރާތްތަކަށް އިސްކަން ދިނުމަށްވެސް ނިންމާފައިވެ އެވެ.

އޮލިމްޕަސް ބަންދުކޮށްފައިވާތާ ގިނަ ދުވަސްތަކެއް ވެފައިވާތީ ފިލްމީ ދާއިރާގެ މީހުން ވެސް ގެންދަނީ ކަންބޮޑުވުން ފާޅުކުރަމުންނެވެ. މިމަހު އޮލިމްޕަސް ހުޅުވާނެ ކަމަށް މިދިޔަ މަހު ހެރިޓޭޖް މިނިސްޓަރު ޔުމްނާ މައުމޫނު ކުރިން ވިދާޅުވެފައިވެ އެވެ.

އޮލިމްޕަސް މަރާމާތުކުރުމުގެ މަސައްކަތް ކޮށްފައި ވަނީ އިންޑިއާ ސަރުކާރުގެ ހިލޭ އެހީގެ ދަށުންނެވެ.