ކުރީގެ ރައީސް މައުމޫން އަބްދުލްގައްޔޫމު ދަރުމަވަންތަ ހޮސްޕިޓަލްގައި އެޑްމިޓް ކުރުމަށްފަހު ދޫކޮށްލައިފި އެވެ.

މައުމޫން އެޑްމިޓުކުރީ މިއަދުގެ ވަގުތެއްގަ އެވެ. މައުމޫން ކުރެއްވި ޓުވީޓެއްގައި ވިދާޅުވީ ޑޮކްޓަރުންގެ ލަފަޔާއެކު މިރޭ އެމަނިކުފާނު ހޮސްޕިޓަލުން ދޫކޮށްލާފައިވާ ކަމަށެވެ. އަދި އެޑްމިޓު ކުރި ހަބަރާއެކު ލިބުނު ހަމްދަރުދީގެ މެސެޖުތަކަށް ޝުކުރު އަދާކުރެއްވި އެވެ.

"ދަރުމަވަންތަ ހޮސްޕިޓަލުގެ ހުރިހާ ޑޮކްޓަރުންނާ ނަރުހުން ދެއްވި ފަރުވާއަށް ޝުކުރުއަދާކުރަން،" މައުމޫން ވިދާޅުވި އެވެ.

ކޮވިޑް 19 ފެތުރުނު ދުވަސްވަރު އޮގަސްޓް 26، 2020ގައި ވެސް ދަރުމަވަންތަ ހޮސްޕިޓަލްގައި އުމުރުފުޅުން 85 އަހަރުގެ މައުމޫން އެޑްމިޓް ކުރި އެެވެ.