އުރީދޫ ސުޕަނެޓުގެ ހިދުމަތް ބިލެތްފައްސަށް

އަލީ ރާޒީ

17 ޖެނުއަރީ 2023 - 09:29

0 comments

ސަތޭކަ އެމްބީޕީއެސްއާއި ހަމައަށް ހަލުވި ސްޕީޑްތަކާއި އެކު، އުރީދޫ ސުޕަނެޓް ފިކްސްޑް ބްރޯޑްބޭންޑުގެ ހިދުމަތް ށ. ބިލެތްފަހިއަށް ތައާރަފްކޮށްފި އެވެ.

އުރީދޫން ބުނީ 100 އެމްބީޕީއެސްއާ ހަމައަށް ހަލުވި ސްޕީޑުގައި އިންޓަނެޓު ލިބޭ ޕެކޭޖުތަކާ އެކު ބިލެތްފައްސަށް އެ ކުންފުނީގެ ސުޕަނެޓުގެ ހިދުމަތް ތައާރަފުކުރުމާ ގުޅިގެން އެ ރަށަށް ހާއްސަ ޕްރޮމޯޝަނެއް ފަށާފައިވާ ކަމަށެވެ.

މާޗު މަހުގެ ނިޔަލަށް ކުރިއަށް ގެންދާ މި ޕްރޮމޯޝަންގެ ދަށުން:

އެ ހިދުމަތަށް އެދޭ ކަސްޓަމަރުންނަށް ހިލޭ ރައުޓަރު ލިބޭނެ
500ރ. އިން މަތީގެ ޕެކޭޖު ނަގާ ކަސްޓަމަރުންނަށް %100 ހިލޭ ޑޭޓާ ތިން މަސް ވަންދެން ލިބޭނެ

މީގެ އިތުރުން ސުޕަނެޓް ހުރިހާ ކަސްޓަމަރުންނަށްވެސް ޑޭޓާ ރޯލް އޯވާގެ ހިދުމަތާއެކު މަސް ނިމޭއިރު ބާކީ ހުންނަ ޑޭޓާ އަނެއް މަހުގެ ޕެކޭޖް އިންކްލޫސިވް ޑޭޓާ އަށް އިތުރުވެގެންދާނެ އެވެ.

ށ. ބިލެތްފަހީގެ ރައްޔިތުންނަށް، އެންމެ ހެޔޮއަގުގައި އިންޓަނެޓްގެ ހިދުމަތް، ސުޕަނެޓް ފިކްސްޑް ބްރޯޑްބޭންޑް މެދުވެރިކޮށް މިހާރު ލިބޭނެ އެވެ. މި ހިދުމަތް ހޯދުމަށް ނުވަތަ ސުޕަނެޓް ޕެކޭޖްތަކާ ބެހޭ މައުލޫމާތު ހޯދާނަމަ އުރީދޫ މޯލްޑިވްސްގެ ވެބްސައިޓް މެދުވެރިކޮށް އެ މައުލޫމާތެއް ލިބޭނެ އެވެ.