އަމްރު މާފަށް އެދިއްޖެ

އައިމިނަތު ޝިޔާޒާ

05 ޖުލައި 2023 - 01:31

0 comments

އެސްޓީއޯގެ ކުރީގެ އެމްޑީ ހުސައިން އަމްރު: އޭނާ މަގާމުން ވަކި ކުރުމުން ފާޑުކިޔުން ވަނީ އަމާޒުވެފައި--

މިނިވަން ނޫސްވެރިކަމާ ގުޅޭގޮތުން ނޫސް ކޮންފަރެންސެއްގައި ވާހަކަދެއްކުނު ގޮތާ ގުޅިގެން، އެސްޓީއޯގެ ކުރީގެ މެނޭޖިން ޑިރެކްޓަރު ޙުސެއިން އަމްރު މައާފަށް އެދިވަޑައިގެންފިއެވެ.

މިދިޔަ އާދިއްތަ ދުވަހު ދަ ޑިމޮކްރެޓްސް އާއި ޕީޕީއެމުން ގުޅިގެން ބޭއްވި ނޫސްވެރިންގެ ބައްދަލުވުމުގައި އަމްރު ވިދާޅުވީ ރައީސް އޮފީހުން ވަކި ގޮތަކަށް ހެޑްލައިން ޖަހަން އަންގާފައި އޮތީމަ، އެ ހެޑްލައިން ޖެހޭނެ ގޮތެއް ހޯދުމަށް ނޫސްވެރިން އައިސް ވާހަކަ ދެއްކުމުގެ ބޭނުމެއް ނެތް ކަމަށެވެ. އަދި ނޫސްވެރިންނަށް ލިބޭ ފައިސާއަކީ ރައްޔިތުންގެ ޓެކްސް ފައިސާ ކަމަށް އޭނާ ވިދާޅުވިއެވެ.

"އަޅުގަނޑު އަބަދު ވެސް ގަބޫލުކުރަނީ ފުރިހަމަ މިނިވަން ނޫސްވެރިކަމެއް ސަރުކާރެއްގެ އެއްވެސް ނުފޫޒެއް ނެތި އޮންނަން ޖެހޭނެ ކަމަށް. އެކަން ވުމަށްޓަކައި ގާނޫނަކުން ބާރު ލިބިގެން ސިޔާސީ ޕާޓީތަކަށް ދައުލަތުން ފައިސާ ދޭ އުސޫލުން މީޑިއާއަށް ވެސް ގާނޫނަކުން ބާރު ލިބިގެން ފައިސާ ލިބުމުން ސަރުކާރެއްގައި އޭރަކު ތިބޭ ބައެއްގެ ރުހުން ހޯދަން ނުޖެހި މިނިވަންކަމާއެކު ނޫސްވެރިކަން ކުރުމުގެ ޖާގަ ލިބޭނެ،" އެ ލިޔުމުގައި ވެ އެވެ.

އާދިއްތަ ދުވަހުގެ ނިއުސް ކޮންފަރެންސްފައި ތިން ޕާޓީން ގުޅިގެން އެއް ކެނޑިޑޭޓެއް ނެރެން ޖެހޭ ހިސާބަށް ކަންކަން ހިނގައްޖެ ނަމަ އެކަން ވެސް ކުރާނެ ކަމަށް އަމްރު ވިދާޅުވުމުން އެ ކެންޑިޑޭޓަކީ ޔާމީން ނަމަވެސް ތާއީދު ކުރައްވާނެތޯ ނޫސްވެރިން ސުވާލު ކުރި އެވެ.

އެ ސުވާލަށް އަމްރު އެއްގޮތަކަށް ވެސް ޖަވާބެއް ނުދެއްވި އެވެ. އޭނާ ތަކުރާރުކޮށް ވިދާޅުވަމުން ގެންދެވީ "ތިއީ ރައީސް އޮފީހުން ފޮނުވާ ސުވާލެއް" ކަމަށެވެ.

މީޑިއާގެ މިނިވަންކަން ކަށަވަރުކުރުމަށް ސިޔާސަތު އެކުލަވާލާ މެނިފެސްޓޯގައި ހިމެނުމަށް ބާރުއަޅުއްވާނެ ކަމަށާއި އެކަމުގެ ސަބަބުން ނޫސްވެރިކަމުގެ ދާއިރާ ކުރިއަރައި ނޫސްވެރިކަމަށް ވަންނަން ބޭނުންވާ ޒުވާނުން އިތުރުވެގެންދާނެ ކަމަށް އޭނާ ވިދާޅުވިއެވެ.

އަމްރުގެ އެ ވާހަކަތަކާ ގުޅިގެން މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އާއި މޯލްޑިވްސް މީޑިއާ ކައުންސިލް (އެމްއެމްސީ) އިން ކަންބޮޑުވުން ފާޅުކޮށް އަމްރުގެ ވާހަކަތައް ކުށްވެރިކޮށްފައިވެއެވެ.