ވިލިމާލޭގައި 100 އެނދުގެ ހޮސްޕިޓަލެއް އަޅަން ނިންމައިފި

އައިމިނަތު ޝިޔާޒާ

27 ޑިސެމްބަރ 2023 - 21:08

0 comments

ހެލްތު މިނިސްޓަރު ޑރ. އަބްދުالله ޚަލީލް --- ފޮޓޯ: އެކްސް/ މިނިސްޓަރު ޑރ. އަބްދުالله ޚަލީލް

ވިލިމާލޭގައި 100 އެނދުގެ ހޮސްޕިޓަލެއް އަޅަން ސަރުކާރުން ނިންމާފައިވާ ކަމަށް ހެލްތު މިނިސްޓަރު ޑރ. އަބްދުالله ހަލީލް މިރޭ ވިދާޅުވެއްޖެ އެވެ.

މިކަން ހާމަކޮށް ސިއްހަތާ ބެހޭ ވުޒާރާއިން ކުރި އެކްސް ޕޯސްޓެއްގައި ބުނީ، މި ހޮސްޕިޓަލު އެޅުމުގެ އަމަލީ މަސައްކަތް މި ފެށޭ އަހަރުގެ ތެރޭގައި ފަށާނެ ކަމަށެވެ.

އަދި 3 އަހަރު ދުވަހުގެ ތެރޭގައި އެ ހޮސްޕިޓަލުގެ ޢަމަލީ މަސައްކަތް ނިންމާ ޚިދުމަތް ލިބޭނެ އިންތިޒާމް ހަމަޖެހިގެންދާނެކަމަށްވެސް ސިއްޙީ ވަޒީރު ޑރ.ޢަބްދުﷲ ޚަލީލް ވިދާޅުވި އެވެ.

އަދި މި ހޮސްޕިޓަލް ތަަރައްޤީ ކުރެވިގެންދާނީ ތިމާވެއްޓާ ވެސް ރައްޓެހިގޮތަކަށް ކަމަށް ވަޒީރު ވިދާޅުވިއެވެ ވިލިމާލޭގައި އަލަށް އަޅާ ހޮސްޕިޓަލަކީ ޓާޝިއަރީ ފެންވަރުގެ ހޮސްޕިޓަލެއްކަމަށާއި، މުހިއްމު ބަލިތަކަށް ފަރުވާދެވޭނެ އިންތިޒާމްތައް ހަމަޖެހިގެންދާނެކަމަށެވެ. ވިލިމާލޭގައި 100 އެނދުގެ އައު ހޮސްޕިޓަލް އެޅުމަށް ހަމަޖެހިފައިވަނީ ޗައިނާ ސަރުކާރުގެ އެހީގައެވެ. ޗައިނާ ސަރުކާރުގެ އިސް ވަފްދެއް މިއަދު ވަނީ ވިލިމާލޭ ހޮސްޕިޓަލަށް މިއަދު ޒިޔާރަތްކުރައްވާ އެތަނުގެ ޙާލަތު ބައްލަވާލައްވާފަ އެވެ.

މިވަގުތު ވިލިމާލެ ހޮސްޕިޓަލް ހިންގަމުންދަނީ އިންދިރާގާންދީ މެމޯރިއަލް ހޮސްޕިޓަލްގެ ބެލުމުގެ ދަށުންނެވެ. އެ ހޮސްޕިޓަލުގައި ޖާގަ ދަތިކަމުގެ ޝަކުވާ ހޮސްޕިޓަލް ހިންގުމާ ހަވާލުވެގެން ތިބޭ ފަރާތްތަކުން ކުރެއެވެ.

ވިލިމާލެ ހޮސްޕިޓަލްއަކީ 24 ގަޑިއިރަށް ޚިދުމަތްދޭ ހޮސްޕިޓަލެއް ނަމަވެސް އެތަނުން ލިބެމުން އަންނަނީ މަދު ޚިދުމަތްތަކެކެވެ. މިވަގުތު އެ ހޮސްޕިޓަލްގައި ޚިދުމަތްދެނީ 5 އެނދުގެ އިމަޖެންސީ ރޫމަކާއި، ބަލިމީހުން ބެލުމަށް ޚާއްޞަ 3 ކޮޓަރިއާއެކުއެވެ. އެ ހޮސްޕިޓަލުގައި އޮޕަރޭޝަން ތިއޭޓަރެއްވެސް ނެތެވެ.