ރާއްޖެ މިއޮތީ އިންޑިއާ ކަނޑުގެ ޖިއޮގްރަފިކަލީ ސްޓްރެޓެޖިކް ލޮކޭޝަނެއްގަ އެވެ. މިއީ އޭޝިއާ، އެފްރިކާ، އަދި މެދުއިރުމައްޗާ ދެމެދު ބޮޑެތި ޝިޕިންގ ރޫޓްތައް ގުޅުވައިދޭ ތަނެވެ. ޔޫރަޕާއި އޭޝިއާ އާއި ދެމެދު ނުވަތަ މެދުއިރުމަތިން އިރުދެކުނު އޭޝިއާ އަށް ދަތުރުކުރާ ބޯޓުތައް ގިނަ ފަހަރަށް ރާއްޖެ ކައިރިން ދަތުރުކުރެ އެވެ.

ޝޯޓްކަޓްސް އެންޑް އެފިޝަންސީ:

ރާއްޖެއިން ރަތް ކަނޑާއި ބޭއޮފް ބެންގަލްއާ ދެމެދު ދަތުރުކުރާ ބޯޓުތަކަށް ޝޯޓްކަޓެއް ފޯރުކޮށްދޭއިރު، ރާއްޖޭގެ ދެކުނު ކޮޅަށް ދަތުރުކުރާ ބޯޓުތަކާ އަޅާބަލާއިރު ސީދާ މަގެއް ލިބިގެންދެ އެވެ. މިއީ ޝިޕިން ކުންފުނިތަކަށް ވަގުތާއި ތެލުގެ ހަރަދު ވެސް ސަލާމަތް ކުރެވޭނެ ކަމެކެވެ.

ކުރިއަރަމުން އަންނަ މާކެޓްތަކަށް ވަދެވޭނެ ގޮތް: 

ދެކުނު އޭޝިއާ، އިރުދެކުނު އޭޝިއާ، އަދި މެދުއިރުމަތީގެ ބޮޑެތި އުފެދިފައިވާ މާކެޓްތަކާ ރާއްޖެ ކައިރިވުމަކީ މުދާ އުފުލާ ބޯޓުތަކަށް ޝައުގުވެރިވާ ހުއްޓުމެކެވެ. މިކަމުގެ ސަބަބުން މި ސަރަޙައްދުތަކަށް މުދާ ބެހުމުގެ ފުރުޞަތު ރަނގަޅުވެގެންދެ އެވެ.

ތެލުގެ ވިޔަފާރި:

މި ސަރަޙައްދުގައި ތެލުގެ ވިޔަފާރީގެ މުހިންމުކަމަށް ބަލާއިރު، މެދުއިރުމަތީގެ ތެޔޮ އުފައްދާ ޤައުމުތަކަށް ދިއުމާއި އައުމުގެ މަގުމަތީގައި ގިނަ ފަހަރަށް ތެޔޮ ޓޭންކަރުތައް މޯލްޑިވްސް ކައިރީގައިވާ ކަނޑުގެ ތެރެއިން ދަތުރު ކުރެއެވެ.  އެހެންކަމުން، ރާއްޖެއަށް ތެޔޮ އެޅުމާއި ލޮޖިސްޓިކަލް ސަޕޯޓަށް ސްޓްރެޓެޖިކް ޕޮއިންޓެއް ލިބިއެވެ.

ޓްރާންސްޝިޕްމަންޓްގެ ފުރުޞަތު:

ރާއްޖެމިއޮތް ލޮކޭޝަނަކީ ޓްރާންސްޝިޕްމަންޓް ހަރަކާތްތަކުގެ ފުރުޞަތު ލިބިދޭ، އެއް ބޯޓުން އަނެއް ބޯޓަށް މުދާ ބަދަލުކުރުމުގެ ފުރުސަތު ލިބޭ ކަމެކެވެ. މިއީ ރޫޓްތައް އޮޕްޓިމައިޒްކޮށް ހަރަދު ކުޑަކުރުމަށް މަސައްކަތްކުރާ ކާގޯ ކުންފުނިތަކަށް ފައިދާހުރި ކަމެކެވެ. ރާއްޖޭގައި ފުޅާ ދާއިރާއެއްގައި ސިނާއީ އަދި ބަނދަރު ވަސީލަތްތައް ނެތް ނަމަވެސް، އިންޑިއާ ކަނޑުގައި އޮތުމަކީ ދުނިޔޭގެ ކަނޑުގެ ވިޔަފާރީގެ ނެޓްވޯކްތަކުގައި މުހިންމު ނުކުތާއަކަށް ވެގެންދާ ކަމެކެވެ.

މެރިކަލްޗަރ

މެރިކަލްޗަރ ތަޢާރަފްކުރުމަކީ ރާއްޖޭގެ އިޤްތިޞާދު ފަތުރުވެރިކަމުގެ ބޭރުން ޑައިވަރސިފައި ކުރުމުގެ ފުރުޞަތު ފަހިކޮށްދޭ ކަމެކެވެ. ފަތުރުވެރިކަން ފަދަ އެއް ދާއިރާއަކަށް ބަރޯސާވުމުން، ކުރިން ބުނެވުނު ވެނެޒުއެލާ އާއި އަދި ކޮވިޑްގެ ސަބަބުން ދިމާވި ފަތުރުވެރިކަމުން އިޤްތިޞާދު ޕެރެލައިޒްވި ގައުމުތަކުގެ މިސާލުތަކަށްބަލައި، އެފަދަ ބޭރުގެ ޝޮކްތަކަށް ގައުމު ވެއްޓެންދާނަމަ، މެރިކަލްޗަރ އަކީ އާމްދަނީ ހޯދުމުގެ ކޮމްޕްލިމެންޓްރީ ވަސީލަތެއްގެ ގޮތުގައި ދިވެހީންގެ ރާއްޖެއަށް މަސައްކަތް ކުރެވިދާނެ ކަމެކެވެ.

ވަޒީފާގެ ފުރުޞަތުތައް: 

މަސްވެރިކަމާއި އެކުއަކަލްޗަރ ހިމެނޭ ގޮތަށް މެރިކަލްޗަރ އޮޕަރޭޝަންތަކުގެ ސަބަބުން ވަޒީފާގެ އާ ފުރުޞަތުތައް ތަނަވަސްވެގެންދާނެ އެވެ. މިއީ ފަތުރުވެރިކަމުގެ ދާއިރާއިން ބޭރުން، ޚާއްޞަކޮށް ދިވެހި މުޖުތަމަޢުތަކަށް ވަޒީފާގެ ފުރުޞަތުތައް ފަހިކޮށްދިނުމަށް ރާއްޖެއަށް ވަރަށް މުހިންމު ކަމެކެވެ.

ކާބޯތަކެތީގެ ރައްކާތެރިކަން: 

ރާއްޖޭގެ ކާބޯތަކެތީގެ ރައްކާތެރިކަން ރަނގަޅުކޮށް، އެތެރޭގެ ކާބޯތަކެތި އުފެއްދުމަށް މެރިކަލްޗަރގެ އެހީތެރިކަން ލިބިގެންދާނެ އެވެ. ލޯކަލްކޮށް މަހާއި އެހެނިހެން ސީފުޑް ހެއްދުމުގެ ސަބަބުން އިމްޕޯޓަށް ބަރޯސާވާ މިންވަރު ކުޑަވެ، ކާބޯތަކެތީގެ ބާވަތްތައް ދެމެހެއްޓެނިވި ގޮތެއްގައި ލިބޭނެ މަގު ފަހިވެގެން ދާނެ އެވެ.

އެކްސްޕޯޓް ޕޮޓެންޝަލް: 

މެރިކަލްޗަރ ކާމިޔާބުވެއްޖެނަމަ ސީފުޑްގެ ބާވަތްތައް އެކްސްޕޯޓްކުރުން އިތުރުވެދާނެ އެވެ. މިކަމުގެ ސަބަބުން ރާއްޖޭގެ ވިޔަފާރީގެ ބެލެންސް އާއި ފޮރިން އެކްސްޗޭންޖް ރިޒާވްއަށް ހެޔޮ އެހީތެރިކަމެއް ލިބިގެންދާނެ އެވެ.

ސަސްޓެއިނަބަލް ރިސޯސް މެނޭޖްމަންޓް: 

ރަނގަޅަށް މެނޭޖްކުރެވިފައިވާ މެރިކަލްޗަރ ޕްރެކްޓިސްތަކުގެ ސަބަބުން ވައިލްޑް ފިޝް ސްޓޮކަށް ކުރިމަތިވާ ޕްރެޝަރު ކުޑަކޮށް ކަނޑުގެ ތިމާވެށީގެ ނިޒާމުތައް ހިމާޔަތްކުރުމަށް އެހީތެރިވެދޭނެ އެވެ. ޒިންމާދާރު އެކުއަކަލްޗަރ ހިމެނޭ ގޮތަށް ދެމެހެއްޓެނިވި ގޮތެއްގައި ކުރެވޭ އާދަތަކުގެ ސަބަބުން ކަނޑުގެ ވަސީލަތްތަކުގެ ދިގު މުއްދަތުގެ ދުޅަހެޔޮކަން ކަށަވަރުކުރެވިދާނެ އެވެ.

ރާއްޖެ އޮތީ ޓޫރިޒަމް މަރުކަޒުކޮށްފައިވާ އިގްތިސާދެއްގެ ހަގީގަތްތަކާ ކުރިމަތިލާން ޖެހިފައިވާ ހުރަސްމަގެއްގެ ތެރޭގަ އެވެ. އެއް އިގްތިސާދަކަށް ބަރޯސާވުމުގެ ބިރު ފާހަގަކުރެވޭތީ، ސިޔާސަތުތައް ކަނޑައަޅާ ފަރާތްތަކުގެ މެދުގައި މުހިންމު އިންޓްރޮސްޕެކްޝަނެއް އުފެދިގެންދެ އެވެ. މެރިކަލްޗަރ އަށް ރައީސް ޑރ. މުއިއްޒުގެ ތަސައްވުރަކީ ބަދަލާއި ކެތްތެރިކަމުގެ ފުރުސަތެކެވެ. މި ލިޔުމުގެ މަޤްޞަދަކީ، ހަނދާންކޮށްދީ، މަގުދައްކައިދީ، ސިޔާސަތު ކަނޑައަޅާ ފަރާތްތަކަށް އިލްތިމާސްކޮށް، އިގްތިސާދީ ތަފާތުކަން އާލާކޮށް، އެއް އިގްތިސާދީ ތަނބަކަށް ބަރޯސާވުން ކުޑަވެ، ރާއްޖޭގެ ރައްޔިތުންނަށް ދެމެހެއްޓެނިވި ތަނަވަސްކަން ކަށަވަރުކޮށްދޭ މުސްތަގުބަލަކަށް ގައުމު ގެންދިއުމަށެވެ.

ނޯޓް: މެރިން ހެޗަރީއާއި ބެހޭ ލިޔުމެއް އަޅުގަނޑު މީގެ ކުރިން ލިޔެފައިވާނެ އެވެ.  

• ކިޔާލަން: މެރިން ހެޗަރީ ސްކިލްސް ޕްރޮގްރާމް ހިންގުމާއި އިންވެސްޓަރުން ޝައުގުވެރިކުރުން