ޕެންޝަން ފަންޑު ވަރުގަދަ ކުރަން މަޖިލީސް މުހިއްމު: ރައީސް

އަލީ ރާޒީ

15 މާޗް 2024 - 16:04

0 comments

ޕެންޝަން ފައިސާއަކީ ވަކި ގާނޫނެއްގެ ދަށުން ހިނގަމުންދާ ކަމެއް ވީމާ އެއަށް އެއްވެސް ބަދަލެއް ގެނެވެން އޮތީ ރައްޔިތުންގެ މަޖިލީހުގެ ތެރެއިން ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ރައީސް މިހެން ވިދާޅުވީ ރައީސްއާ ސުވާލު ކުރެއްވުމަށް ސިލްސިލާކޮށް ކުރިއަށް ގެންދާ ޕްރޮގުރާމުގައި، ހުޅުމާލެ ފްލެޓް H-16-16-05، ފާތިމަތު ހަސަން މަނިކު ކުރި ސުވާލަކަށް ޖަވާބު ދެއްވަމުންނެވެ.

ފާތިމަތު ކުރެއްވި ސުވާލަކީ ޕެންޝަން ފަންޑަށް ޖަމާވާ ފައިސާ، ވަޒީފާއިން ވަކިވުމާއެކު ލިބޭނެ އިންތިޒާމެއް ހަމަޖެއްސިދާނެތޯއެވެ. އަދި ވަޒިފާއިން ވަކި ވުމަށްފަހު އުޅެންޖެހޭނީ ވަރަށް ދަތިހާލުގައި ކަމަށްވެސް ވިދާޅުވި އެވެ.

އެ ސުވާލަށް ޖަވާބުދެއްވަމުން ރައީސް މުއިއްޒު ވިދާޅުވީ، ޕެންޝަންއަކީ ވަކި ގާނޫނެއްގެ ދަށުން ނަގައި އެއްޗަކަށް ވާތީ އެއަށް އެއްވެސް ބަދަލެއް ގެނެވޭނީ ގާނޫނަށް ބަދަލު ގެނެސްގެން ކަމަށެވެ.

"އަޅުގަނޑު ބޭނުން ޕެންޝަން ސްކީމް ވަރުގަދަކުރަން ވެސް. އޭގެން ފައިދާ އެންމެ ރަނގަޅު ގޮތުގައި ރައްޔިތުންނަށް ވާނެގޮތް ހަދަން،" އެ މަނިކުފާނު ވިދާޅުވިއެވެ.

"އެއަށް އެއްވެސް ކަހަލަ ބަދަލެއް ގެނެވޭނީ ރައްޔިތުންގެ މަޖިލީހަށް ހުށަހަޅައިގެން،"