ޕެންޝަން އޮފީހުން މާލީ ދާއިރާއަށް ސްކޮލަޝިޕް ޕްރޮގްރާމެއް ތައާރަފުކޮށްފި

މަރިޔަމް އަނާ

09 ފެބުރުއަރީ 2025 - 21:46

0 comments

މާލީ ދާއިރާއިން ފަންނީ މީހުން ބިނާކުރުމަށް ޕެންޝަން އޮފީހުން ސްކޮލަޝިޕް ޕްރޮގްރާމެއް މިއަދު ތައާރަފުކޮށްފި އެވެ.

އެ އޮފީހުން ބުނީ މި ޕްރޮގްރާމުގެ އަމާޒަކީ ރާއްޖޭގެ މާލީ ދާއިރާއަށް ބޭނުންވާ ތަފާތު ރޮނގުތަކުން މަތީ ތައުލީމު ހާސިލުކޮށް ކުރިއަށް ދިއުމަށް އެދޭ ހުނަރުވެރި ދިވެހިންނަށް އެ ފުރުޞަތު ހޯދައިދީ، މާލީ ދާއިރާގައި މަސައްކަތްކުރާނެ ގާބިލު މީހުން ބިނާކުރުން ކަަމަށެވެ.

ޕެންޝަން އޮފީހުން ނެރުނު ބަޔާނެއްގައި ބުނި ގޮތުގައި، މި ޕްރޮގްރާމުގެ އަމާޒަކީ ރާއްޖޭގެ މާލީ ދާއިރާއަށް ބޭނުންވާ ތަފާތު ރޮނގުތަކުން މަތީ ތައުލީމު ހާސިލުކޮށް، ކުރިއަށް ދިއުމަށް އެދޭ ހުނަރުވެރި ދިވެހިންނަށް އެ ފުރުސަތު ހޯދައިދީ، މާލީ ދާއިރާގައި މަސައްކަތްކުރާނެ ގާބިލު މީހުން ބިނާކުރުމެވެ.

މެރިޓް ބޭސްޑް ޕްރޮގްރާމެއްގެ ގޮތުގައި ހިންގުމަށް ހަމަޖެހިފައިވާ މި ޕްރޮގްރާމަކީ، ދުނިޔޭގެ ޔުނިވަސިޓީ ރޭންކިންއަށް ބަލައި ފެންވަރު ރަނގަޅު ޔުނިވަސިޓީތަކުން އަންޑަގްރެޖުއޭޓް އަދި ޕޯސްޓްގްރެޖުއޭޓް ޕްރޮގްރާމުތަކުގައި ކިޔެވުމުގެ ފުރުސަތު ލިބިގެންދާނެ ކަމަށް އެ އޮފީހުން ބުންޏެވެ.

އެ އޮފީހުން ވަނީ މި އަހަރަށް އެއް އަންޑަގްރެޖުއޭޓް ސްކޮލާޝިޕް އިއުލާނުކޮށްފައެވެ. އެ އޮފީހުން ބުނީ، މި ޕްރޮގްރާމާ ގުޅޭ އިތުރު މަޢުލޫމާތު އެ އޮފީހުގެ ވެބްސައިޓުން ލިބޭނެ ކަމަށެވެ.