މައުމޫނާ ބައްދަލުކޮށް އީދު ސަލާމް ކުރުމުގެ ފުރުސަތު

މަރިޔަމް އަނާ

09 އޭޕްރީލް 2024 - 23:54

0 comments

ކުރީގެ ރައީސް މައުމޫން އަބްދުލްގައްޔޫމް މާދަމާ ރައްޔިތުންނާ ބައްދަލުކުރައްވައި އީދު ސަލާމް ކުރައްވާނެ ކަމަށް އެމނަިކުފާނު މިރޭ ވިދާޅުވެއްޖެ އެވެ.

އެމަނިކުފާނު މިރޭ ވިދާޅުވީ އީދު ސަލާމް ކުރެއްވުމަށް ވަގުތުކޮޅެއް ހުސްކޮށްލެއްވުމަށް ގަސްތު ކުރައްވާ ކަމަށެވެ. ދޮޅުގަޑިއެއްހާ އިރަށް އީދު ސަލާމް ކުރެއްވުން ކުރިއަށް ގެންދަވާނެ ކަމަށް ވެސް ވިދާޅުވި އެވެ.

"‏އީދު ސަލާމް ކޮށްލެއްވުމަށް އަޅުގަނޑާ ބައްދަލު ކޮށްލެވުމަށް ބޭނުންފުޅުވާ ބޭފުޅުންނަށް މާދަމާ 2024 އޭޕްރިލް 10 ވަނަ ދުވަހު ވަގުތުކޮޅެއް ހުސްކޮށްލަން މާތްﷲގެ ވާގިފުޅާ އެކު އަޅުގަނޑު ގަސްދު ކުރަން. ހެނދުނު 9:30 އިން 11:00 އަށް މ. އެންދެރިމާގޭ ގައި،" އެކްސްގައި ކުރެއްވި ޕޯސްޓެއް ގައި މައުމޫން ވިދާޅުވި އެވެ.

އެ މަނިކުފާނުގެ އިތުރުން، މާދަމާ ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި އަނބިކަނބަލުން ސާޖިދާ މުހައްމަދު ވެސް ރައްޔިތުންނާ ބައްދަލު ކުރައްވައި ސަލާމް ކުރެއްވުމަށް ވަނީ ހަމަޖެހިފަ އެވެ.

އެގޮތުން ރައީސްގެ ދެކަނބަލުން އީދު ސަލާމް ކުރައްވާނީ، ހެނދުނު 9:30 އިން 10:30 އަށް މުލީއާގޭގަ އެވެ.