ފިތުރު ޒަކާތުން 3 ސެންޓަރަކަށް އެހީ ދީފި

މަރިޔަމް އަނާ

10 އޭޕްރީލް 2024 - 18:17

0 comments

ޒަކާތު ހައުސްއިން އިޖްތިމާޢީ 3 ސެންޓަރަކަށް އެހީދީފި އެވެ.

ޒަކާތު ހައުސްއިން އެހީ ދިނީ "ކުޑަކުދިންގެ ހިޔާ"، "ފިޔަވަތި" އަދި ކ. ގުރައިދޫގައި ހުންނަ ހާއްސަ އެހީއަށް ބޭނުންވާ މީހުންގެ މަރުކަޒަށެވެ. މި އެހީ ދީފައިވަނީ މި އަހަރު ފިޠުރުޒަކާތުގެ ގޮތުގައި ޒަކާތު ހައުސަށް ލިބިފައިވާ ފައިސާއިން ބަޔަކާއި އަދި ފަޤީރުންނާއި މިސްކީނުންގެ ދަފްތަރުގައި ޖައްސާފައިވާ އާންމުންނަށް ބެހުމަށްފަހު ނުގެންގޮސްހުރި ގޮވާމުންނެވެ.

އެގޮތުން 129،960.44ރ. ރުފިޔާ އަދި ގޮވާމުން 7387.65 ކިލޯގެ ތަކެތި ވަނީ ހަވާލުކޮށްފައެވެ. ޒަކާތުގެ ހައުސްގެ ފަރާތުން މި އެހީތައް ސެންޓަރުތަކާ ހަވާލުކޮށްދެއްވީ ޑިރެކްޓަރ ޖެނެރަލް އޮފް ޒަކާތު އިއްޒުއްދީން އަދުނާނެވެ.

ޒަކާތުގެ ހައުސްގެ ފަރާތުން މި އެހީތައް ސެންޓަރުތަކާ ހަވާލުކޮށްދެއްވީ ޑިރެކްޓަރ ޖެނެރަލް އޮފް ޒަކާތުހައުސް, އިއްޒުއްދީން އަދުނާނެވެ. ޒަކާތުހައުސްއިން މަޢުލޫމާތުދެއްވާ ގޮތުގައި މިއަހަރުގެ ފިތުރު ޒަކާތުގެ ގޮތުގައި 9 މިލިއަނަށްވުރެ ގިނަ ރުފިޔާ ވަނީ ލިބިފަ އެވެ.