އެޗުޑީސީއިން އައިއޭސީގެ ގާޒާ ފަންޑަށް 1 މިލިއަން ރުފިޔާ ހަދިޔާކޮށްފި
އަލީ ރާޒީ
16 އޭޕްރީލް 2024 - 13:18
0 comments
ގާޒާގެ މުސްލިމުން ނެތިކޮށްލަން ޔަހޫދީ ފައުޖުން ފެށި ލާއިންސާނީ އުދުވާނުގެ ތެރެއިން
އިންޓަނޭޝަނަލް އެއިޑް ކެމްޕެއިން (އައިއޭސީ)ން ކުރިއަށް ގެންދާ ގާޒާ އިމަޖެންސީ ރިލީފް ފަންޑަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން އެއް މިލިއަން ރުފިޔާ ހަދިޔާކޮށްފި އެވެ.އައިއޭސީއިން މިއަދު ނެރުނު ބަޔާނެއްގައި ބުނީ އެޗުޑީސީއިން ސަދަގާތުގެ ގޮތުގައި ހަދިޔާކުރި އެއް މިލިއަން ރުފިޔާ އެ ޖަމިއްޔާގެ ގާޒާ އެމަޖެންސީ ރިލީފް ފަންޑަށް ލިބިފައިވާ ކަމަށެވެ.އެކަމަށް ޝުކުރު އަދާކޮށް އައިއޭސީއިން ބުނީ އެ އެހީ އޭގެ ހައްގުވެރި ފަރާތަށް ފޯރުކޮށްދޭނެ ކަމަށާއި އޭގެ ތަފްސީލު ވެސް ހާމަކުރާނެ ކަމަށެވެ.މިދިޔަ އަހަރުގެ އޮކްޓޯބަރު މަހުގެ 7 އިން ފެށިގެން އިޒްރޭލުން ފަލަސްތީނާ ދެމުންދާ ހަމަލާތަކާ ގުޅިގެން އެ ގައުމުގެ ރައްޔިތުންނަށް ވަރަށް ގިނަ ފަރާތްތަކުން އައިއޭސީ އަށް ފައިސާ ހަދިޔާކޮށްފައިވެ އެވެ. އޭގެ ތެރޭގައި ސަރުކާރުގެ ގިނަ ކުންފުނިތައް ހިމެނެ އެވެ.
ކިޔުންތެރިންގެ ޝުއޫރު