މިރޭގެ މަގްރިބު ނަމާދަށްފަހު މުދަލު ޒަކާތާ ބެހޭ ދަރުސްތަކެއް

އައިމިނަތު ޝިޔާޒާ

17 މެއި 2024 - 16:10

0 comments

ޒަކާތާ ގުޅޭ ގޮތުން ރާއްޖޭގެ އެކި ކަންކޮޅުތަކުގައި މިއަދު ދަރުސްތަކެއް ބޭއްވުމަށް އިސްލާމިކް މިނިސްޓްރީއިން ނިންމައިފި އެވެ.

އިސްލާމިކް މިނިސްޓްރީން ބުނީ މި ދަރުސްތަކުގެ މަގުޞަދަކީ، މުޖުތަމައުގެ ތެރޭގައި އިޖްތިމާޢީ ރައްކާތެރިކަމާއި ހަމަހަމަކަން ކުރިއެރުވުމުގައި އިސްލާމީ އުސޫލްތަކަށް ބާރުއަޅައި، މުދަލު ޒަކާތުގެ މުހިންމުކަމަށް ހޭލުންތެރި ކުރުވުން ކަމަށެވެ.

މިރޭ ބާއްވާ ދަރުސްތަކުގައި ވީހާވެސް ގިނަ ފަރާތްތަކުން ބައިވެރިވުމަށް އިސްލާމިކް މިނިސްޓްރީން އިލްތިމާސްކުރެ އެވެ. މި ދަރުސްތަކުގައި ބައިވެރިވުމަށް ބާރުއަޅަނީ މީގެ ސަބަބުން ޒަކާތާއި ގުޅޭ ޢިލްމު އިތުރުކޮށް، ޒަކާތުގެ ވާޖިބު އަދާކުރުމަށް ބާރުއެޅުމުގެ ގޮތުން ކަމަށްވެސް ބުންޏެވެ.

މިއަދުގެ ހުކުރު ހުތުބާވެސް ޚާއްސަކޮށްފައިވަނީ މުދަލު ޒަކާތާ ބެހޭގޮތުންނެވެ.