ހިޔާ ޓަވަރެއްގެ ކޮރިޑޯތެރޭގައި، ކުއްޖަކަށް އަނިޔާކުރި ބަޔަކު ހޯދަނީ

އައިމިނަތު ޝިޔާޒާ

27 ޖޫން 2024 - 13:50

0 comments

ކުއްޖާއަށް އަނިޔާކުރާ މަންޒަރު ފެންނަ ވީޑިއޯގެ ސްކްރީންޝޮޓެއް --

ހުޅުމާލެ ފޭސް ދެއެއްގެ ހިޔާ ޓަވަރެއްގެ ކޮރިޑޯ ތެރޭގައި، ފިރިހެން ކުއްޖަކަށް އަނިޔާކޮށް ބުލީކުރި މައްސަލަ މީގެ ހަފުތާއެއްހާ ދުވަސް ކުރިން ފެށިގެން ތަހުގީގު ކުރަމުން އަންނަ ކަމަށާއި އެކަން ކުރީ ކޮން ބައެއް ކަމެއް އަދި ނުހޯދޭ ކަމަށް ފުލުހުން މިއަދު ބުނެފި އެވެ.

ފިރިހެއް ކުއްޖާއަށް އަނިޔާކުރާ ވީޑިއޯ ސޯޝަލްމީޑިއާގައި އާންމުވުމާ ގުޅިގެން ފުލުހުން މިއަދު އެ ވީޑިއޯގެ މައްސަލަ މިމަހުގެ 19 ވަނަ ދުވަހު ފުލުހުންގެ ސަމާލުކަމަށް އައިސްފައިވާ ކަމަށެވެ.

ފުލުހުން ބުނީ މައްސަލައިގެ ތަހުގީގުގައި މިހާތަނަށް ފުލުހުން ކުރި މަސައްކަތުން ވީޑިއޯގައި ފެންނަނީ ކޮން ބައެއް ކަން ދެނެގަނެވިފައި ނުވާ ކަމަށެވެ.

އެހެންވެ ވީޑިއޯގައި ފެންނަ މީހުންނާ ގުޅޭ އެއްވެސް މައުލޫމާތެއް އެއްވެސް ފަރާތަކަށް ލިބިފައިވާނަމަ އެ މައުލޫމާތު ހިއްސާކުރުމަށްވެސް ފުލުހުން އެދިފައިވެ އެވެ.