ޒަކާތުން ފަންޑުން މިދިޔަ މަހު 107 މީހަކަށް އެހީވެއްޖެ

އިސްމާއިލް ރިޒާ

10 ޖުލައި 2024 - 14:13

0 comments

މިދިޔަ މަހު ޒަކާތު ފަންޑުން 107 މީހަކަށް އެހީ ދީފައިވާ ކަމަށް މޯލްޑިވްސް ޒަކާތު ހައުސް އިން ބުނެފި އެވެ.

މޯލްޑިވްސް ޒަކާތު ހައުސް އިން މިއަދު އާންމުކުރި ތަފާސްހިސާބުތަކަށް ބަލާއިރު އެހީގެ ގޮތުގައި ދިނުމަށް މިދިޔަ މަހަށް ކަނޑައަޅާފައި އޮތީ 870،957.53 ރުފިޔާ އެވެ.

އެކަމަކު އެހީގެ ގޮތުގައި މިދިޔަ މަހު 1،044،989.10 މިލިއަން ރުފިޔާ ހަރަދުކޮށްފައިވެ އެވެ.

މިދިޔަ މަހު ދިން އެހީތަކަށް ބަލާ އިރު، އެންމެ ބޮޑު އެހީއެއް ދީފައި ވަނީ ކެންސަރު ބަލީގެ ފަރުވާއަށެވެ. އެގޮތުން ބައްޔަށް ފަރުވާ ހޯދަން ޒަކާތު ފަންޑުން 262911.00ރ. ދީފައިވެ އެވެ. މީގެ އިތުރުން ހިތުގެ އޮޕަރޭޝަންތަކަށް 38،164ރ، ކިޑްނީގެ ބަލިތަކަށް 97،531.50ރ، ޓްރާންސްޕްލާންޓަށް 25،433ރ، ސިކުނޑީގެ އޮޕަރޭޝަންތަކަށް 124،580.53ރ. އަދި އެހެނިހެން ބަލިތަކަށް އެހީގެ ގޮތުގައި 322،372.50.ރ. ދީފައިވެ އެވެ.

ޒަކާތު ފަންޑަކީ ވަރަށް ރަނގަޅަށް ބެލެހެއްޓިގެން ވަކި ހާއްސަ އިންތިޒާމުތަކެއްގެ ތެރެއިން އެހީތެރިކަން ފޯރުކޮށްދޭ ފަންޑެއް ކަމަށް ސަރުކާރުން އަންނަނީ ބުނަމުންނެވެ.