އެމްއެމްޕީއާރްސީގެ ޗެއާޕާސަން ކަމަށް ގިޔާސް އައްޔަންކޮށްފި

ހަސަން ހަލީމް

11 ޖުލައި 2024 - 13:52

0 comments

މަޓާޓޯގެ ރައީސް ގިޔާސް: އޭނާ ވަނީ އެމްއެމްޕީއާރްސީގެ ޗެއާޕާސަންގެ މަގާމަށް އައްޔަންކޮށްފައި

މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރުސީ) ޗެއާޕާސަންގެ މަގާމަށް އަބްދުﷲ ގިޔާސް މިއަދު އައްޔަންކޮށްފި އެވެ.

ގިޔާސްއަކީ މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ)ގެ ރައީސް އެވެ. އޭނާއަކީ ޓޫރިޒަމް ދާއިރާގައި ގިނަ މަސައްކަތްތަކެއް ކުރައްވާފައިވާ ބޭފުޅެކެވެ.

މީގެކުރިން، އެ މަގާމުގައި ހުންނެވީ އައިޝާ ނޫރްއައިން އެވެ. އޭނާ އެ މަގާމުން އިސްތިއުފާ ދެއްވީ ކުންފުނީގެ އޭރުގެ މެނޭޖިން ޑިރެކްޓަރު ފާތިމަތު ތައުފީގާ ހިޔާލު ތަފާތުވެގެންނެވެ.

ރާއްޖޭގެ ޓޫރިޒަމް މާކެޓްކުރުމުގެ ޒިންމާ މަތިކޮށްފައިވާ އެމްއެމްޕީއާރްސީގެ މިހާރުގެ މެނޭޖިން ޑިރެކްޓަރަކީ އިބްރާހީމް ޝިއުރީ އެވެ.