ގަތަރުން ރާއްޖެއަށް ކަނޑައަޅާފައި ހުންނަވާ ސަފީރު އުރީދޫއަށް ޒިޔާރަތް ކުރައްވައިފި

އަހުމަދު ނިހާން

10 ސެޕްޓެމްބަރ 2024 - 18:42

0 comments

ގަތަރުން ރާއްޖެއަށް ކަނޑައަޅުއްވާފައި ހުންނަވާ ސަފީރު އުރީދޫއަށް ޒިޔާރަތް ކުރެއްވުން -- ފޮޓޯ؛ އުރީދޫ

ގަތަރުން އުރީދޫއާ އެކު ކުރަމުންދާ މަސައްކަތްތައް އިތުރަަށް ހަރުދަނާ ކުރުމަށް މަސައްކަތް ކުރައްވާނެ ކަމަށް ސަރުކާރުން ރާއްޖެ އަށް ކަނޑަައެޅި އާ ސަފީރު، ޖާސިމް ބިން ޖާބިރު ޖޭބީ އަލް-ސުރޫރަ އުރީދޫއަށް މިއަދު ކުރެއްވި ޒިޔާރަތުގައި ވިދާޅުވެއްޖެ އެވެ.

އެ ޒިޔާރަތުގައި އުރީދޫގެ ސީއީއޯ ހާލިދު އަލް ހަމާދީގެ އިތުރުން އެ ކުންފުނީގެ އިސްވެރިން ސަފީރާ ބައްދަލުކުރެއްވި އެވެ. މި ބައްދަލުވުމުގައި ރާއްޖޭގެ ޑިޖިޓަލް ލޭންޑްސްކޭޕް ކުރިއެރުވުމުގައި އުރީދޫ އިން ކުރަމުން އަންނަ މަސައްކަތްތަކާއި ޓެކްނޮލޮޖީގެ ދާއިރާ އިން އަދާކުރާ ދައުރާއި މުޖުތަމައަށް އަމާޒުކޮށްގެން ކުރިއަށް ގެންދާ މަސައްކަތްތައް ހިއްސާކުރި އެވެ.

އެ ބައްދަލުކުރެއްވުމުގައި، ރާއްޖޭގެ ޑިޖިޓަލް ލޭންޑް ސްކޭޕް ކުރިއެރުވުމުގައި އުރީދޫ މޯލްޑިވްސްއިން ކުރަމުން ގެންދާ މަސައްކަތްތަކާއި، އިނޮވޭޝަން ކުރިއެރުވުމުގައި އުރީދޫ މޯލްޑިވްސްއިން އަދާކުރާ ދައުރާއި، މުޖުތަމައަށް އަމާޒުކޮށްގެން ކުރިއަށް ގެންދާ މަސައްކަތްތަކުގެ މައްޗަށް އަލިއަޅުއްވާލެއްވި އެވެ.

އުރީދޫ މޯލްޑިވްސްގެ ހެޑްކުއާޓާސްއަށް ޒިޔާރަތް ކުރައްވައި، ކުރަމުން ގެންދާ ހާއްސަ ޕްރޮޖެކްޓްތަކުގައި ހަރަކާތްތެރިވާ މުހިންމު ޓީމްތަކާ ބައްދަލުކުރެއްވި އެވެ.

އޭގެ އިތުރުން ޑިޖިޓަލް އެކްސެސިބިލިޓީ އިތުރުކޮށް ރާއްޖޭގެ އެކި ކަންކޮޅުތަކުގައި މުޖުތަމައުތައް ބާރުވެރިކުރުވުމުގެ މަގްސަދުގައި އުރީދޫއިން ކުރިއަށް ގެންދާ މަސައްކަތްތަކާ ބެހޭ ގޮތުން ވެސް ސަފީރު ވަނީ މައުލޫމާތު ހޯދަވާފަ އެވެ.

ސީއީއޯ ހާލިދު އަލް ހަމާދީ ވަނީ ސަފީރުގެ ދަތުރުފުޅުގެ މުހިންމުކަމުގެ މައްޗަށް އަލިއަޅުއްވާލައްވައި، "އުރީދޫ މޯލްޑިވްސްއަށް ހިޒް އެކްސެލެންސީ ޖާސިމް ބިން ޖަބީރް ޖޭބީ އަލް-ސުރޫރު ޒިޔާރަތްކުރައްވާ އެ މަނިކުފާނަށް މަރުހަބާ ދެންނެވުމަކީ އަޅުގަނޑުމެންނަށް ލިބޭ ވަރަށް ބޮޑު ޝަރަފެއް" ކަމަށެވެ.

"ސަފީރުގެ ޒިޔާރަތުގެ ސަބަބުން ދެ ގައުމުގެ ދެމެދުގައި އޮތް ބަދަހި ގުޅުމާއި، ރާއްޖޭގެ ޑިޖިޓަލް ޓްރާންސްފޯމޭޝަން ހިންގުމުގައި އުރީދޫއިން އަދާކުރާ މުހިންމު ދައުރަށް ޔަގީންކަން ލިބިގެންދޭ،" ހާލިދު ވިދާޅުވި އެވެ.

މި ދަތުރުފުޅުގެ ސަބަބުން ދެ ގައުމުގެ ދެމެދުގައި އޮތް ބަދަހި ގުޅުމާއި، ރާއްޖޭގެ ޑިޖިޓަލް ޓްރާންސްފޮމޭޝަން ހިންގުމުގައި އުރީދޫއިން އަދާކުރާ މުހިންމު ދައުރަށް ޔަގީންކަން ލިބޭ ކަމަށްވެސް ސީއީއޯ ވިދާޅުވިއެވެ.

މި ދަތުރުފުޅު ނިންމަވާލައްވާފައި ވަނީ އުރީދޫއާއި ގަތަރާ ގުޅިގެން ކުރަމުންދާ މަސައްކަތްތައް އިތުރަށް ހަރުދަނާކޮށް، ކުރިއަށް އޮތް އަހަރުތަކުގައި ވެސް ދެ ގައުމުގެ ކުރިއެރުމާއި، ދެ ގައުމުގެ މެދުގައި ކާމިޔާބަށް މަސައްކަތް ކުރުމަށް ދެ ފަރާތުން ޔަގީންކަން ދެމުންނެވެ.