ދައުވާ ކުރުން އަވަސް ކުރުމުގެ މައްޗަށް މަޝްވަރާކޮށްފި

މަރިޔަމް އަނާ

22 ސެޕްޓެމްބަރ 2024 - 17:18

0 comments

ސީޕީއާ ޕީޖީގެ ބައްދަލްވުން

ޕްރޮސިކިއުޓާ ޖެނެރަލް ޖަސްޓިސް (ރިޓަޔާޑް) އައްބާސް ޝަރީފު، ކޮމިޝަނާ އޮފް ޕޮލިސް އަލީ ޝުޖާއުއާ ބައްދަލު ކުރައްވައިފި އެވެ.

މި ބައްދަލުކުރެއްވުމުގައި ޝުޖާއު ވަނީ ޕީޖީ އައްޞާސް އަށް މަރުޙަބާ ދަންނަވައި، ދެ މުއައްސަސާގެ ދެމެދުގައި އޮތް ގާތް ގުޅުން ދަމަހައްޓަވާނެކަމަށް ވިދާޅުވެފަ އެވެ. އަދި ކުރިއަށް އޮތް ތަނުގައި މި ގުޅުން އިތުރަށް ބަދަހިކޮށް، ހަރުދަނާ ކުރުމާ ގުޅޭގޮތުން ދެ ބޭފުޅުން މަޝްވަރާ ކުރެއްވިއެވެ.

ޕީޖީ އައްބާސް ވިދާޅުވީ، ޖިނާއީ ތަހުގީގުތައް މިހާރަށްވުރެ އަވަސްކޮށް ކުރިއަށްގެންދިއުމަށް އެ އޮފީހުން ވެދެއްވެން އޮތް އެންމެ ފުޅާ ދާއިރާއެއްގައި އެހީތެރިކަން ދެއްވާނެ ކަމަށް ކަމަށެވެ. އަދި މައްސަލަތަކުގެ ތަގުގީގު ނިމުމަށްފަހު، ދައުވާ ކުރުން މިހާރަށް ވުރެ އަވަސްކުރުމުގެ ތަސައްވުރު ގެންގުޅުއްވާ ކަމަށް އައްބާސް ވިދާޅުވި އެވެ.

ދިވެހި ފުލުހުންގެ ހިދުމަތަކީ ޕްރޮސިކިއުޓާ ޖެނެރަލްގެ މަސައްކަތުގެ އެންމެ މުހިންމު ބައިވެރިޔާ އެވެ. އެގޮތުން އެ އޮފީހަށް ހުށަހެޅޭ މައްސަލަތަކުގެ 90 އިންސައްތައަށް ވުރެ ގިނަ މައްސަލަ އަކީ ފުލުހުން ތަހުގީގު ކޮށް ހުށަހަޅާ މައްސަލަތަކެވެ.