މޯލްޑިވިއަން އިން ކޮލަމްބޯގައި ޖެނެރަލް ސޭލްސް އެޖެންޓުން ހޯދަނީ

އަހުމަދު ނިހާން

25 ސެޕްޓެމްބަރ 2024 - 18:18

0 comments

ސްރީ ލަންކާގެ ކޮލަމްބޯގައި ޖެނެރަލް ސޭލްސް އެޖެންޓްގެ ހިދުމަތް ދޭނެ ބަޔަކު ހޯދަން ގައުމީ އެއާލައިން، މޯލްޑިވިއަން އިން އިއުލާންކޮށްފިއެވެ.

މޯލްޑިވިއަން ހިންގާ އައިލެންޑް އޭވިއޭޝަން ސާވިސް ލިމިޓެޑް (އައިއޭއެސްއެލް) އިން ވަނީ މި ހިދުމަތް ދެ އަހަރުގެ މުއްދަތަށް ދޭނެ ބަޔަކު ހޯދަން އިއުލާނުކޮށްފަ އެވެ.

އެ ގޮތުން ޖޭއެސްއޭގެ ހިދުމަތް ދިނުމަށް އައިލެންޑް އޭވިއޭޝަންއާއެކު އެއްބަސްވުމަށްފަހު ޖޭއެސްއޭގެ ހިދުމަތްދޭ ކުންފުނިން ރާއްޖޭގެ ޓުއާ އޮޕަރޭޓަރެއް ތަމްސީލުކޮށްގެން ނުވާނެ ކަމަށް އިއުލާނުގައިވެ އެވެ.

އެ ހިދުމަތް ދޭން ހުށަހަޅާ ކުންފުންޏެއްގައި ހުންނަންޖެހޭ ބައެއް ޝަރުތުތަކުގެ ތެރޭގައި:

އޭވިއޭޝަން/ ޓްރެވަލް ޓްރޭޑްގެ ދާއިރާ އިން އަހަރަކު ދެ މިލިއަން ޑޮލަރު ނުވަތަ އެއާ އެއްވަރުގެ އާމްދަނީއެއް ލިބޭ ފަރާތަކަށް ވާންޖެހޭނެ
ފަސެންޖާ އަދި ކާގޯ ސޭލްސްގެ ދާއިރާ އިން މަދުވެގެން ތިން އަހަރުގެ ތަޖުރިބާ ހުރި ފަރާތަކަށް ވާންޖެހޭނެ
ކޮންމެވެސް އެއް މޭޖާ އެއާލައިންގެ ޖެނެރަލް ސޭލްސް އެޖެންޓަކަށް ވާންޖެހޭނެ

މޯލްޑިވިއަން އިން މާލެއާއި ކޮލަމްބޯއާ ދެމެދު ސީދާ ދަތުރުތައް ފެށީ މިދިޔަ އޭޕްރިލް މަހުގެ ތެރޭގައެވެ.