ޖަމާއަތްތެރީން ތަމްރީނުކުރުމުގެ ޕްރޮގުރާމްގެ ބައިވެރީންނަށް ހަނދާނީ ލިޔުން ދީފި

އަލީ ރާޒީ

06 އޮކްޓޫބަރ 2024 - 17:50

0 comments

ކީރިތި ގުރުއާނާ ބެހޭ ގައުމީ މަރުކަޒުން މާލޭ ސަރަހައްދުގައި ޖަމާއަތްތެރީން ތަމްރީނުކުރުމަށް ޓަކައި ހިންގި ތަމްރީނު ޕްރޮގުރާމް ނިންމައިލައި ބައިވެރީންނަށް ހަނދާނީ ލިޔުން ދީފިއެވެ.

މި ތަމްރީނު ޕްރޮގްރާމްގައި ފިރިހެނުންނާއި އަންހެނުން ހިމެނޭހެން ޖުމުލަ 28 މީހަކު ބައިވެރިވެފައިވެ އެވެ. ކީރިތި ގުރުއާނާއި ބެހޭ މަރުކަޒުގައި ހިންގި މި ތަމްރީނު ޕްރޮގްރާމުގައި ކިޔަވައިދެއްވީ އިސްލާމީ ކަންތައްތަކާ ބެހޭ ވުޒާރާގެ ވާއިޒުންކަމަށްވާ އައްޝައިހު އާޒިމް ހާލިދާއި އައްޝައިހު އަބްދުލްގާދިރު މުހައްމަދެވެ.

މި ތަމްރީން ޕްރޮގުރާމް ހިންގައިފައިވަނީ ދެ ހަފުތާގެ މުއްދަތަށެވެ.

މިއީ މާލެއާއި ރާއްޖޭގެ ރަށްރަށުގައި ކަށުކަމާކެމީގެ ކަންތައްތައް ކުރާނެ އެކަށީގެންވާ ތަމްރީނު ލިބިފައިވާ މީހުން އިތުރުކުރުމުގެ މަގުސަދުގައި އިސްލާމީ ކަންތައްތަކާ ބެހޭ ވުޒާރާގެ އިރުޝާދުގެ މަތީން ކީރިތި ގުރުއާނާ ބެހޭ ގައުމީ މަރުކަޒުން ހިނގަވާ ސިލްސިލާ ޕްރޮގުރާމުގެ ތެރެއިން ހިންގެވި ތަމްރީނެކެވެ.