މޯލްޑިވްސް ޑިވެލޮޕްމަންޓް ބޭންކު އުފެއްދުމަށް ބޭނުންވާ ލައިސަންސް އެމްއެމްއޭއިން ދީފި

އަހުމަދު ނިހާން

13 އޮކްޓޫބަރ 2024 - 18:03

0 comments

މޯލްޑިވްސް ޑިވެލޮޕްމަންޓް ބޭންކު އުފެއްދުމަށް ބޭނުންވާ ލައިސަންސް އެމްއެމްއޭއިން ދީފިއެވެ.

ޑިވެލޮޕްމެންޓު ބޭންކު ރަޖިސްޓްރީކޮށް ބޭންކަށް އެމްއެމްއޭއިން ހުއްދަ ދޫކުރުމާ ގުޅިގެން އެކްސްގައި ކުރެއްވި ޕޯސްޓެއްގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ޑިވެލޮޕްމެންޓު ބޭންކު ހިންގުމުގެ ލައިސެންސް ފުރަތަމަ ފަހަރަށް ލިބުމަކީ ވަރަށް ބޮޑު ފަހުރެއް ކަމަށެވެ.

އެ ލައިސެންސް ހަވާލުކުރުމަށް އެމްއެމްއޭގައި ބޭއްވި ރަސްމިއްޔާތުގައި އެމްއެމްއޭގެ ގަވަރުނަރު އަހުމަދު މުނައްވަރާއި އަލަށް އެކުލަވައިލި ޑިވެލޮޕްމެންޓު ބޭންކުގެ ޗެއާޕާސަން ކުރީގެ ފިނޭންސް މިނިސްޓަރު އަބްދުﷲ ޖިހާދު ބައިވެރިވެވަޑައިގެންފަައިވެ އެވެ.

ޑިވެލޮޕްމެންޓު ބޭންކުގެ ސީއީއޯ އަދި ޑެޕިއުޓީ ސީއީއޯގެ މަގާމަށް ބޭރުގެ ތަޖުރިބާކާރު ދެ ބޭފުޅަަކު އައްޔަންކޮށްފަައިވެ އެވެ.

ދިވެހިރާއްޖޭގެ ޑިވެލޮޕްމަންޓް ބޭންކެއް ގާއިމްކުރަން ސަރުކާރުން ނިންމެވީ، ސަރުކާރުގެ ސިޔާސަތުތަކާއި އެއްގޮތްވާ ގޮތުގެ މަތީން ދެމެހެއްޓެނިވި އިގުތިސާދީ އަދި އިޖުތިމާއީ ތަރައްގީއަށް އިންވެސްޓުކުރުމާއި އުމްރާނީ ތަރައްގީއަށް ބޭނުންވާ ފައިސާ ހޯދުމަށެވެ. އަދި ސިންޑިކޭޝަން ފައިނޭންސް މެދުވެރިކޮށް ޕީއެސްއައިޕީ މަޝްރޫއުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ހައްލުކުރުމާއި ދިވެހިރާއްޖޭގެ ބޭންކިން ނިޒާމުގައި ބޭރު ފައިސާ ބެހެއްޓުމުގެ ޝައުގުވެރިކަން އިތުރު ކުރުމަކީވެސް މިފަދަ ބޭންކެއް ގާއިމްކުރުމުގެ އެއް ބޭނުންކަމަށް ސަރުކާރުން ބުނެ އެވެ.

މޯލްޑިވްސް ޑިވެލޮޕްމަންޓް ބޭންކްގެ ބޯޑަށް ބޭފުޅުން އައްޔަންކުރައްވާފައިވަނީ، ނިމުނު މަހުގެ 21 ވަނަ ދުވަހުގަ އެވެ. އެގޮތުން މޯލްޑިވްސް ޑިވެލޮޕްމަންޓް ބޭންކްގެ ޗެއަރޕަރސަންގެ މަގާމަށް އައްޔަންކުރައްވާފައިވާ ސިންގަޕޫރުގެ އަރޫނީ ގުނިޓެލެކީ އެވެ. ހަރވާޑް ޔުނިވަރސިޓީއިން މާސްޓަރ އޮފް ލޯސް ހާސިލުކުރައްވާފައިވާ އަރޫނީއަކީ މާލީ ދާއިރާގެ 25 އަހަރު ދުވަހުގެ ތަޖުރިބާ ލިބިވަޑައިގަންނަވާފައިވާ ބޭފުޅެކެވެ.