މިދިޔަ އަހަރު 15،551 ސައިކަލު އެތެރެކުރި

އަލީ ރާޒީ

21 އޮކްޓޫބަރ 2024 - 10:56

0 comments

މިދިޔަ އަހަރު އެކަނިވެސް ރާއްޖެ އަށް 15،551 ސައިކަލް އެތެރެ ކޮށްފައިވާ ކަމަށް ކަސްޓަމްސްގެ ތަފާސްހިސާބުތަކުން ދައްކައިފި އެވެ.

ކަސްޓަމްސް އިން އާންމުކުރި ތަފާސްހިސާބުތަކުން މިދިޔަ އަހަރު ރާއްޖެއަށް ވަނީ 15،551 ސައިކަލާއި 1347 ކާރު ވަނީ އެތެރެކޮށްފަ އެވެ.

މާލޭގެ މަގުތަކުގައި ގަވައިދާ ހިލާފަށް ޕާކުކޮށްފައި ހުންނަ ވެހިކަލްތަކާއި ހަލާކުވެ، ނުދުއްވާ ގިނަ ދުވަސްވެފައިވާ ވެހިކަލްތައް ނެގުމުގެ މަސައްކަތް ފުލުހުންނާއި ކަމާބެހޭ އިދާރާތަކުން އަންނަނީ ކުރަމުންނެވެ.

މީގެ ކުރީގެ ތަފާސްހިސާބުތަކަށް ބަލާއިރު ކޮންމެ އަހަރަކު ވެސް 10،000 އަށް ވުރެ ގިނަ އެއްގަމު އުޅަނދު ރާއްޖޭގައި އަލަށް ރަޖިސްޓަރީކުރެ އެވެ. އެ އުޅަނދުތަކުގެ ތެރެއިން 90 ޕަސެންޓަކީ ސައިކަލެވެ. ރާއްޖެ އެތެރެކުރާ އުޅަނދުތަކުގެ ތެރެއިން ގިނަ އުޅަނުތައް ދުއްވަނީ ވެސް މާލެ ސަރަހައްދުގަ އެވެ.