ޑރ. ހަލީލް ސައުދި އަރަބިއްޔާއަށް ވަޑައިގެންފި

އަލީ ރާޒީ

09 ނޮވެމްބަރ 2024 - 13:36

0 comments

ފޮރިން މިނިސްޓަރު ޑރ. އަބްދުﷲ ހަލީލް ރަސްމީ ދަތުރެއްގައި ސައުދީ އަރަބިއާ އަށް ފުރާވަޑައިގެންފި އެވެ.

ޚަލީލްގެ މިދަތުރުފުޅަކީ ސައުދި އަރަބިއްޔާ އިން އިސްނަގައިގެން ބާއްވާ އަރަބި-އިސްލާމީ ސަމިޓާއި އޭގެ ތައްޔާރީ ބައްދަލުވުންތަކުގައި ބައިވެރިވެ ވަޑައިގަތުމަށް ކުރައްވާ ދަތުރުފުޅެކެވެ.

އެކްސްގައި ކުރެއްވި ޕޯސްޓެއްގައި ހަލީލް ވިދާޅުވީ އިސްލާމީ އުއްމަތަށް ކުރިމަތިވެފައިވާ ގޮންޖެހުންތަކާ ގުޅޭގޮތުން އަރަބި-އިސްލާމީ ގައުމުތަކާއެކު މި ސަމިޓްގައި މަޝްވަރާކުރައްވާނެ ކަމަށެވެ. ހާއްސަކޮށް ފަލަސްތީންގެ ރައްޔިތުން ތަހައްމަލް ކުރަމުންދާ ހިތްދަތިކަަމަށް ލުއިތަކެއް ހޯދުމަށް މަޝްވަރާ ކުރައްވާނެ ކަމަށްވެސް ވިދާޅުވި އެވެ.

މި ދަތުރުގައި ފަލަސްތީނުގެ ރައްޔިތުންނާއި އިސްލާމީ އުއްމަތުގައި މިހާރު ކުރިމަތިވެފައިވާ ގޮންޖެހުންތަކަށް ހައްލު ހޯދައިދެއްވުމާއި ގުޅިގެން އިސްލާމީ ގައުމުތަކާއެކު މަޝްވަރާ ކުރައްވާނެ ކަމަށް ހަލީލް ވިދާޅުވި އެވެ.

އަރަބް-އިސްލާމިކް ސަމިޓް ފަށާނީ އަންނަ އަންނަ ހޯމަ ދުވަ ހުއެވެ.