ގޭގެ އިންޓަނެޓް ރަނގަޅުކޮށްލަން ދިރާގު އޮރެންޖް ބޮކްސް ޑިވައިސް

މަރިޔަމް އަނާ

25 ނޮވެމްބަރ 2024 - 20:04

0 comments

ދިރާގު އޮރެންޖް ބޮކްސް މެޝް ވައިފައި މެދުވެރިކޮށް، ގޭގެ ހުރިހާ ދިމާލަކަށް ފަސޭހަކަމާއެކު ކަނެކްޓިވިޓީ ލިބޭނެ ކަމަށް އެ ކުންފުނިން ބުނެފި އެވެ.

އޮރެންޖް ބޮކްސް މެޝް ވައިފައި މެދުވެރިކޮށް ހަލުވި، މެދުކެނޑުމެއް ނެތް އިންޓަނެޓް ގޭގައި ތަޖުރިބާކޮށްލުމަށް މަގުފަހިވާނެއެވެ. މިއީ ގޭގެ އިންޓަނެޓް ކަވަރޭޖް އަދި ސިގްނަލް ވަރުގަދަކޮށްދީ، އެކި ކޮޓަރިތަކާއި ފަންގިފިލާތަކަށް ހަލުވި ސްޕީޑްގެ ކަނެކްޓިވިޓީ ފޯރުކޮށްދިނުމަށް ފަރުމާކޮށްފައިވާ ޑިވައިސްއެކެވެ.

ދިރާގުގެ ކަސްޓަމާ ވެލިއު މެނޭޖަރު ބްރޯޑްބޭންޑް އެންޑް ޑިވައިސަސް އަހުމަދު އިޝާން ވިދާޅުވީ ދިރާގު އޮރެންޖް ބޮކްސް މެޝް ވައިފައިއާއެކު ފައިބާ ބްރޯޑްބޭންޑް ކަސްޓަމަރުންނަށް ހަރުދަނާ އަދި ވަރުގަދަ އިންޓަނެޓް ކަނެކްޓިވިޓީ ލިބޭނެ ކަމަށެވެ.

"އެގޮތުން އެންމެ ބަލާ ހިތްވާ ޝޯތައް ސްޓްރީކޮށްލަން، އޮންލައިންކޮށް ގޭމުކުޅެލަން ނުވަތަ ގޭގެ ސްމާޓް ޑިވައިސްތައް މެނޭޖުކޮށްލަން ވިޔަސް މި ޑިވައިސްއާއެކު ގޭގެ ކޮންމެ ތަނެއްގައި ހުރެގެންވެސް ފަސޭހަކަމާއެކު އިންޓަނެޓާ ގުޅާލެވޭނެ،" އޭނާ ވިދާޅުވިއެވެ.

ދިރާގުން ބުނީ އިންސްޓޯލްމަންޓް ޕްލޭންތަކާ އެކު މަހަކު އެންމެ 70 ރުފިޔާއަށް ދިރާގު އޮރެންޖް ބޮކްސް މެދުވެރިކޮށް ކަސްޓަމަރުންނަށް މެދުކެނޑުމެއް ނެތި ގޭގައި އިންޓަނެޓް ކަނެކްޓިވިޓީ ތަޖުރިބާކޮށް ލެވޭނެ ކަމަށެވެ.

ދިރާގުގެ ފައިބާ ބްރޯޑްބޭންޑް ހިދުމަތް މިހާރު ބޭނުން ކުރަމުންދާ ހުރިހާ ކަސްޓަމަރުންނަށް ދިރާގުގެ މައިއެކައުންޓް މެދުވެރިކޮށް އޮރެންޖް ބޮކްސް މެޝް ޑިވައިސް ހޯދަން އެޕްލައި ކުރެވޭނެ އެވެ. އަދި އެ ކަސްޓަމަރުންނާ އެންމެ ކައިރީގައި ހުންނަ ކަސްޓަމާ ސާވިސް ސެންޓަރުން އެ ޑިވައިސް ލިބޭނެ އެވެ.

ދިރާގު އޮރެންޖް ބޮކްސްއާ ބެހޭ އިތުރު މައުލޫމާތު ވެބްސައިޓުން ލިބޭނެއެވެ.