ދިވެހި ގައުމިއްޔަތުގެ ދަރުބާރު ހުޅުވައިފި

އިސްމާއިލް ރިޒާ

30 ނޮވެމްބަރ 2024 - 21:33

0 comments

ދިވެހި ޤައުމިއްޔަތުގެ އިސްވަރުގެ ފުރަތަމަ މަހާސިންތާ، "ކަޅުއޮށްފުންމި - ދިވެހި ޤައުމިއްޔަތުގެ ދަރުބާރު" ފަށައިފިއެވެ. ދިވެހިރާއްޖޭގެ އިސްލާމީ ޔުނިވަރސިޓީގައި ކުރިއަށްދާ މި މަހާސިންތާ ފަށްޓަވައިދެއްވީ ނައިބު ރއީސް އަލްއުސްތާޛު ޙުސެއިން މުހައްމަދު ލަތީފް އެވެ.

އިސްލާމިކް ޔުނިވަސިޓީގައި ކުރިއަށްދާ މިމަހާސިންތާ އަކީ ދިވެހި ގައުމިއްޔަތުގެ އިސްވަރުގެ ފަުރަތަމަ މަހަސިންތާ އެވެ. މީގެފަހުން ދިވެހި ގައުމިއްޔަތު ކޮލެޖުގެ ފަރާތުން ކޮންމެ އަހަރަކު ދެ ފަހަރު މިފަދަ މަހާސިންތާއެއް ބޭއްވުމަށް ވަނީ ނިންމާފަ އެވެ.

ކަޅުއޮށްފުންމި ދަރުބާރަކީ ދިވެހީންގެ އެއްބައިވަންތަކަމާއި ދެމިތިބުމާމެދު ވިސްނައި، ފިކުރުކުރުމުގެ ބައްދަލުވުމެކެވެ. އަދި އެއީ ދިވެހިވަންތަކަމުގެ ބަހާތަކުގެ ފަންނީ އިލްމީ ބައިވެރިންގެ މެދުގައި ގުޅުން ބަދަހިކޮށް އާލާކުރުމުގެ ހަފުލާއެކެވެ.

ދިވެހިވަންތަކުމުގެ ސިފަތައް އިލްމީ ނަޒަރުން މާނަކުރުމަށް ހިތްވަރުދީ، އެފަދަ މަސައްކަތްތައް އާންމުކުރުން، އަދި ދިވެހީންގެ ރަށްވެހިކަމާއި، ވަޒަންވެރިކަމާއި، ކަނޑުވެރިކަމަށް މަގުފަހިވާނެ ވިސްނުމާއި އިލްމުތައް، ރާއްޖެއަށް ވެރިކުރުމަށް ހިތްވަރުދީ ކުރިއެރުވުން، އެ ކޮންފަރެންސްގެ ލަނޑުދަނޑިތަކުގެ ތެރޭގައި ހިމެނެ އެވެ.