ދުންފަތާ ދުރުވާން 1676 އަށް ގުޅަން އެދިއްޖެ

އައިމިނަތު ޝިޔާޒާ

05 ޑިސެމްބަރ 2024 - 13:30

0 comments

ފޮޓޯ: ސަން

ދުންފަތާ ދުރުވާން ބޭނުންވާ މީހުންނަށް ބޭނުންވާ އެހީތެރިކަން ދިނުމުގެ ގޮތުން "ސިޒޭޝަންގެ" ހިދުމަތް ރާއްޖޭގެ ހުރިހާ ސަރަހައްދަކުން ލިބޭނެ ގޮތް ގާއިމުކޮށް، އެ ހިދުމަތް ބޭނުންވާ މީހުން ގުޅުމަށް ޚާއްސަ ކުއިކް ލައިނެއް ގާއިމުކޮށްފި އެވެ.

ސިޒޭޝަންގެ ހިދުމަތް ރާއްޖޭގެ ހުރިހާ ސަރަހައްދަކުން ވެސް ލިބޭނެ ގޮތް ހަމަޖެއްސުމަށް ރައީސް ޑރ. މުހައްމަދު މުއިއްޒު ނިންމެވީ މިދިޔަ އޮކްޓޫބަރު 17 ގަ އެވެ.

މައުލޫމާތު ދިނުމަށް ހެލްތު މިނިސްޓްރީގައި މިއަދު ބޭއްވި ބައްދަލުވުމުގައި މިނިސްޓަރު އަބްދުﷲ ނާޒިމް އިބްރާހީމް ވިދާޅުވީ ސެޒޭޝަންގެ ހިދުމަތް ހޯދުމަށް ގުޅާނެ ހާއްސަ ނަންބަރެއް ހަމަޖެއްސީ ފަސޭހައިން އެ ހިދުމަތް ލިބޭނެ ގޮތް ހަމަޖައްސަން ކަމަށެވެ. އެ ނަންބަރަކީ 1676 އެވެ.

އަންނަ އާދިއްތަ ދުވަހު ފަށާ އެ ނަމްބަރުން 24 ގަޑިއިރު ހިދުމަތް ލިބޭނެ ކަމަށް ވެސް މިނިސްޓަރު ވިދާޅުވި އެވެ.