އާ އަހަރާ ދިމާކޮށް މަސްތުވުން ހުއްޓުވަން އޮޕަރޭޝަނެއް

މަރިޔަމް އަނާ

25 ޑިސެމްބަރ 2024 - 12:41

0 comments

އާ އަހަރާ ދިމާކޮށް، ބަނގުރާ އަދި މަސްތުވާތަކެތި ބޭނުންކޮށް ވިއްކާ ވިޔަފާރީ ކުރުން އިތުރުވެގެން ދާނެ ކަމަށް ބެލެވޭތީ، ފުލުހުން އޮޕްރޭޝަނެއް ފަށައިފި އެވެ.

ފުލުހުން މިއަދު ނެރުނު ކުރު ބަޔާނެއްގައި ބުނީ އެފަދަ މައްސަލަތަކެއް އާ އަހަރާ ދިމާކޮށް އިތުރުވެދާނެތީ ޑްރަގް އެންފޯސްމަންޓް ޔުނިޓާއި މެރިން ޕޮލިހާއި ކ. އަތޮޅު ޕޮލިސް ސްޓޭޝަންތައް ގުޅިގެން އިއްޔެ ހާއްސަ އޮޕަރޭޝަނެއް ފަށާފައިވާ ކަމަށެވެ.

އެގޮތުން މި އޮޕަރޭޝަންގައި ހުޅުމާލޭގެ ފަޅުތެރެ ޕެޓްރޯލް ކުރުމާއި ރަށުތެރެ އަށް ބަނގުރާ އަރުވައި، ވިއްކާ ކަމަށް ޝައްކު ކުރެވޭ ކެފޭ/ރެސްޓޯރަންޓްތައް މޮނީޓާކޮށް ގާނޫނާއި ގަވާއިދާ ހިލާފުވާ ފަރާތްތަކަށް ފިޔަވަޅު އަޅާނެ ކަމަށް ފުލުހުން ބުންޏެވެ.

އާ އަހަރާ ދިމާކޮށް މީގެ ކުރިން ވެސް ފުލުހުން މިފަދަ އޮޕަރޭޝަންތައް ކުރިއަށްގެންދެއެވެ.