ރާއްޖެއަށް ޑްރަގް އެތެރެކުރި އިންޑިއާ ބަޔަކު ހައްޔަރު ކޮށްފި

އިސްމާއިލް ރިޒާ

25 ޑިސެމްބަރ 2024 - 12:52

0 comments

ރާއްޖެއަށް މަސްތުވާތަކެތި އެތެރެކުރި އިންޑިއާގެ ބަޔަކު ހައްޔަރުކޮށްފި އެވެ.

މި މައްސަލައިގައި ހައްޔަރުކޮށްފައިވަނީ ސައްޑާމް ހުސައިން (30އ) އަދި އެމް.ޑީ ތަމަންނާ (31އ) އެވެ.

ކްރިމިނަލް ކޯޓުގެ ބަންދު އަމުރުގައިވާ ގޮތުން މަސްތުވާތަކެތި ކަމަށް ޝައްކުކުރެވޭ ތަކެތި ފެނިފައިވަނީ އެމް.ޑީ ތަމަންނާގެ ލަގެޖުންނެވެ. އެ ތަކެއްޗަކީ އޭނާއާ މީހަކު ހަވާލުކުރި ތަކެތި ކަމަށް ވަނީ ބުނެފަ އެވެ.

ސައްޑާމް ހުސައިން އަކީ ކޮންޓްރޯލް ޑެލިވަރީ އޮޕަރޭޝަންގެ ތެރެއިން އެތަކެއްޗާއި ހަވާލުވާން އައި މީހާ އެވެ. އެ މަސްތުވާތަކެއްޗަކީ އޭނާ ބޭނުންކުރަންވެގެން ގެނައި ތަކެތި ކަމަށް ސީންގައި ބުނެފައިވާ ކަމަށް ކޯޓު އަމުރުގައިވެ އެވެ.

އެމީހުން ރާއްޖެ ގެނައީ ކިހާ އަދަދެއްގެ މަސްތުވާތަކެތިކަން ކޯޓު އަމުރުތަކުގައި ބަޔާންކޮށްފައެއް ނުވެ އެވެ. މި މައްސަލައިގައި ދެމީހުން ވެސް 30 ދުވަހަށް ބަންދުގައި ބޭތިއްބުމަށް ވަނީ އަމުރުކޮށްފަ އެވެ.