މި އަހަރު ޒަކާތަށް 98 މިލިއަން ލިބިއްޖެ: ޑރ. ޝަހީމް

މަރިޔަމް އަނާ

25 ޑިސެމްބަރ 2024 - 19:14

0 comments

މި އަހަރުގެ މިހާތަނަށް ޒަކާތު ފަންޑަށް 98 މިލިއަން ރުފިޔާ ލިބިފައިވާ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެ އެވެ.

ޒަކާތު ފަންޑަށް 98.6 މިލިއަން ރުފިޔާ ލިބިފައިވާކަން ހާމަކުރައްވާ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވީ މިއީ ރާއްޖޭގެ ތާރީހު ގައި އެންމެ ގިނަ އަދަދަކަށް ޒަކާތަށް ފައިސާ ލިބުނު އަހަރު ކަމަށެވެ.

އަދި ވިދާޅުވީ އަމާޒަކީ އަހަރަކު މަދުވެގެން 100 މިލިއަނަށް ފަންޑު ބޮޑުކޮށް ޝަރުއީ އަސާސްގެ އަލީގައި ޒަކާތުގެ ހައްގުވެރިންނަށް ފުޅާދާއިރާއެއްގައި އެހީތެރިވުން ކަމަށެވެ.

"މިއީ ރައީސް ޑރ މުއިއްޒުގެ ސަރުކާރުން ޒަކާތުގެ ހާއްސަ އިދާރާއެއްގެ އުފެެއްދުމުގެ ހެޔޮ ނަތީޖާ،" ޝަހީމް ވިދާޅުވި އެވެ.

ޒަކާތު ފަންޑުން މިދިޔަ މަހު އެކަނި ވެސް ވަނީ 61 މީހަކަށް އެހީވެފަ އެވެ. އެގޮތުން ޒަކާތު ފަންޑުން އެހީގެ ގޮތުގައި މިދިޔަ މަހު 1,086,381.81 މިލިއަން ރުފިޔާ ހަރަދުކޮށްފައިވެ އެވެ.

ޒަކާތު ފަންޑުން މިދިޔަ މަހު އެހީ ފޯރުކޮށްދިން ކަންކަމުގެ ތެރޭގައި ކެންސަރު ބައްޔާއި، ހިތުގެ އޮޕަރޭޝަން، ސިކުނޑީގެ އޮޕަރޭޝަން އަދި ޓްރާންސްޕްލާންޓް ހެދުން ހިމެނެ އެވެ. މިގެ އިތުރުން އެހެނިހެން ކަންކަމަށްވެސް ޒަކާތުފަންޑުން ވަނީ އެހީދީފަ އެވެ.