ހުޅުލޭ އެއާޕޯޓުގައި ހަމަނުޖެހުން ހިންގި ލަންކާ މީހަކު ހައްޔަރުކޮށްފި

މަރިޔަމް އަނާ

25 ޑިސެމްބަރ 2024 - 19:28

0 comments

ވެލާނާ އެއާޕޯޓުގައި ހިންގި މާރާމާރީ -- ފޮޓޯ/ އެމްވީކްރައިސިސް

ވެލާނާ އިންޓަނޭޝަނަލް އެއާޕޯޓުގައި މިއަދު ހިންގި މާރާމާރީގެ މައްސަލައިގައި ބިދޭސީއަކު ހައްޔަރުކޮށްފި އެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނީ މި ހަމަނުޖެހުން ހިނގީ ރާއްޖޭގައި ވޯކް ވިސާގެ ދަށުން މަސައްކަތް ކުރަމުންދާ ލަންކާގެ ބައެއްގެ މެދުގައި ކަމަށެވެ. މި ކަމެއް ހިނގީ އެއާޕޯޓުގައި ހުންނަ ޓެކްސީ ޑްރޮޕްއޮފް ސަރަހައްދުގަ އެވެ.

އެ މީހުން އަރައިރުންވެ ޒުވާބުކޮށް އެކަކު އަނެކަކަށް ހަމަލާ ދިނުމަށް މަސައްކަތް ކުރާ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ.

އެނގިފައިވާ ގޮތުގައި، އެތަނުން އެކަކު ހުރީ މަސްތުގެ ހާލަތުގައި ކަމަށް ބެލެވެ އެވެ. އޭނާ ދެން ތިބި މީހުންގެ ގައިގައި ޖަހައި އަނިޔާކުރަން އުޅުނު ކަމަށްވެ އެވެ.

އޭގެ ތެރެއިން އެކަކު ހައްޔަރުކޮށް ތަހުގީގު ފުލުހުން ވަނީ ފަށާފަ އެވެ.

މީގެ ކުރިން ވެސް އެއާޕޯޓުގައި މާރާމާރީ ހިންގި މައްސަލައެއްގައި ވަނީ މީހަކު ހައްޔަރުކޮށްފައެވެ.